გამიცანით, ყველა კარგად დამაკვირდით

ხელოვნება ავირჩიე წინამძღოლად,

ეს გონება არ ისვენებს და არ იცდის,

წინ სიარული ვამჯობინე გზაზე წოლას.

არ ვეწევი, არ ვსვავ, წერაში ვპოვე შვება

ჩემი საქმე მოვნახე, არ ვაპირებ შევეშვა,

გული, გონება, სხეული პოეზიით თვრება

სულიერად უგუნურებზე მაღლა ვარ ბევრად.

ნუ მადარებთ ბრბოს, მე მათ არაფრით ვგავარ,

ჩემი ცხოვრება ბრძოლას ჰგავს, წინა ფრონტზე ვდგავარ,

ვერ გადამთელავთ, რადგან ყველა თქვენგანში ვჩანვარ

ვერ დამაჩოქებთ ირიბად და სულს ვერ მომიწამლავთ.

ფარ-ხმალს არ დავყრი, წარმატებას მაინც მივაღწევ,

არ გეგონოთ ამ წინსვლას, ვინმე სხვას რომ მივაწერ

ჩემი ნიჭია მთავარი, რატომაც ამას ვწერ,

ჩემს წარმატების საბუთს ამ ლექსითვე ხელს ვაწერ.