პოლონელებს რომ ჰკითხოთ ალბათ თვითონაც გეტყვიან, რომ მათი სამზარეულო განსაკუთრებული ორიგინალურობითა და ეგზოტიკურობით არ გამოირჩევა. ამის მიუხედავად, როგორც ყველა სხვა ქვეყნის წარმომადგენელს, პოლონელებსაც აქვთ რაღაც, რითიც ძალიან ამაყობენ. ეს არის Polskie Serniki - ე.წ. ჩიზქეიქი. პოლონეთში რომ მოხვდებით აუცილებლად უნდა გასინჯოთ! ისმის კითხვა: არის კი ნამდვილად პოლონური? ეს არის ყველაზე რთული კითხვა პოლონურ სამზრეულოში, რადგან "სერნიკების" და ყველა სხვა კერძის წარმომავლობა ბუნდოვანია(ასე ხსნიან ამ ფაქტს თვითონ პოლონელები). კიდევ ერთი ფაქტი, რაც აუცილებლად მოგხვდებათ თვალში, ეს არის მენიუში ნაციონალური კერძების სახელწოდებები: Pierogi Russkie(რუსული პელმენი), Barszcz Ukraiński(უკრაინული ბორში)... დავუბრუნდეთ ისევ "სერნიკებს". მათი წარმოშობა ბერძნების სახელს უფრო უკავშირდება ვიდრე პოლონელებისას, თუმცა ფაქტია, რომ პოლონელებს ძალიან კარგად გამოსდით. ერთი სიტყვით, არც ისე მდიდარი პოლონური სამზარეულოდან ერთ-ერთი რაც შეილება გირჩიოთ, არის ბოლომდე არაპოლონური, თუმცა პოლონელებისთვის მაინც პოლონური "სერნიკები".

      გთავაზობთ ატმის "სერნიკის" რეცეპტს, რომლის გემოც დღემდე მახსოვს. იხილეთ რეცეპტი - ჩისქეიქი (პოლონურად).