რა სჯობის როდესაც საყვარელ ადამიანებს რაიმე "ენის ჩასამტკბარუნებელს" ვუმზადებთ, მათაც ვახარებთ და ჩვენც ვხარობთ მათთან ერთად. სწორედ ამიტომ თქვენი საყვარელი ადამიანის გასანებივრებლად Qwellynaria გთავაზობთ ალუბლის უგემრიელეს ღვეზელს!

შემადგენლობა:

1. 3 ჩაის ჭიქა პურის ფქვილი
2. 3 ცალი კვერცხი
3. 2 ჩაის ჭიქა შაქარი
4. 1 ჩაის ჭიქა ერბო ან კარაქი
5. 1 ჩაის კოვზი რომი ან კონიაკი
6. 2 ჩაის ჭიქა კურკაგამოცლილი ალუბალი

მომზადების წესი :

      პურის ფქვილი, კვერცხი, 1 ჩაის ჭიქა შაქარი და 1 ჩაის ჭიქა ერბო ან კარაქი მოზილეთ და გააკეთეთ ფხვიერი ცომი. გაათხელეთ ცომი თითის სისქეზე და დადეთ ერბოწასმულ ტაფაზე. ამოუწიეთ კიდეები. ზედ დააყარეთ ერთმანეთში არეული 1 ჩაის ჭიქა შაქარი და 2 ჩაის ჭიქა კურკაგამოცლილი ალუბალი. ზევიდან მსხვილკბილიანი სახეხით მოახეხეთ ცოტაოდენი მორჩენილი ცომი და შედგით ცხელ აირღუმელში გამოსაცხობად. 30-40 წუთში ღვეზელი მზად იქნება.