ისპანახი (Spinacia) — ორსახლიანი, ერთ - ან ორწლოვანი ბალახოვანი მცენარის გვარი ნაცარქათამასებრთა ოჯახისა.

გაინტერესებთ ეს ყოველივე? - არა!!! ამიტომ, სპეციალურად თქვენთვის, QwellyNaRiA გთავაზობთ უგემრიელესი ბლინების რეცეპტს ისპაჰანის სამზარეულო არქივიდან...

შემადგენლობა:

 ა) ბლინებისთვის:

1. 2 ჭიქა კეფირი ან მაწონი,
2. 400 მლ. მდუღარე წყალი
3. 2-3 ს.კ. ზეთი,
4. 3 ცალი კვერცხი,
5. 1/3 ჩ.კ. სოდა,
6. 150-200 გ. ფქვილი,
7. ¼ ჩ.კ. მარილი.

 ბ) შიგთავსისთვის:

1. 600 გ. მოხარშული ისპანახი,
2. 4 თავი ხახვი,
3. 1 კონა ქინძი,
4. 2 ჩ.კ. ყვითელი ყვავილი,
5. ზეთი – ხახვის მოსაშუშად,
6. მარილი, წიწაკა – გემოვნებით.

მომზადება:

კვერცხი და მარილი გავთქვიფოთ, დავუმატოთ სოდაარეული მაწონი, მდუღარე წყალი და ვთქვიფოთ, შემდეგ შევურიოთ ზეთი, ფქვილი გახურებულ ტაფაზე გამოვაცხოთ თხელი ბლინები. მოხარშული ისპანახი დავჭრათ, შევურიოთ ზეთში მოშუშული წვრილად დაჭრილი ხახვი და ყვითელი ყვავილი, მარილი და მწვანილი. ისპანახი მოვათავსოთ ბლინებში და შევახვიოთ. ასე მომზადებული ბლინები შეგვიძლია მივირთვათ შემწვარ მდგომარეობაშიც.