მზემ გამოანათა, ამინდები გამოდის ... ქალაქგარეთ პიკნიკზე წასვლას რა სჯობს, თუ რა წაიღოთ ამას Qwellynaria შემოგთავაზებთ.. ბურიტო მართლაც გაგილამაზებთ ულამაზეს პიკნიკს

შემადგენლობა:

1. 900გ ღორის ხორცი (სუკი)
2. 1ს/კ ზეთი 1,5 ჭიქა ბულიონი
3. 1 ჭიქა ტომატის პასტა
4. 1 ჩ/კ დაჭრილი ჩილი (ცხარე წიწაკა)
5. ½ ჩ/კ ფორთოხლის ცედრა
6. 8 ცალი ტორტილიასი
7. მარილი გემოვნებით

მომზადება

      ღორის ხორცს მოაყარეთ მარილი, წაუსვით ზეთი, გადაიტანეთ ტაფაზე და შედგით წინასწარ გაცხელებულ 180 გრადუსიან ღუმელში. ამყოფეთ იქ, სანამ ხორცი არ შეწითლდება და დარბილდება. ამავდროულად მოამზადეთ სოუსი: ქვაბში ჩავსხით ბულიონი, ტომატის პასტა, ფორთოხლის ცედრა და წიწაკის ნაჭრები. წამოადუღეთ და ხარშეთ დაბალ ცეცხლზე თავსახურის გარეშე დაახლოებით 30 წუთის განმავლობაში, სანამ სოუსი არ შესქელდება.

      შემწვარი ღორის ხორცი დაჭრით წვრილ ნაჭრებად, ჩაყარეთ სოუსთან ერთად ქვაბში და წამოადუღეთ დაბალ ცეცხლზე. შეახვიეთ ტორტილიას ფოლგაში და გააცხელეთ ღუმელში. თითოეულ ტორტილიასზე დავაწყოთ ხორცის მასა და შევახვიოთ რულეტის მსგავსად

გემრიელად მიირთვით!