მსოფლიო კულინარიის საგანძურში შეტანილი სალათა ცეზარი...

რამდენიმე დღიანი მოლაპარაკებების შემდეგ, Qwellynaria საბოლოოდ დათანხმდა რომ მის რეცეპტებშიც გამოქვეყნებულიყო... 

სალათა ცეზარის სახელს ზოგჯერ რომის იმპერატორს უკავშირებენ. სინამდვილეში კი იგი ცეზარ კარდინის სახელს ატარებს, რომელმაც პირველმა მოამზადა ეს ისტორიული სალათა.

თავად გასინჯეთ რა გამოუვიდა:

შემადგენლობა:

1. 2-3 ცალი ქათმის მკერდის მოხარშული ხორცი
2. 2 კონა სალათის ფურცელი
3. 3-4 ნაჭერი თეთრი პური
4. 3-4 კბილი ნიორი
5. 1 ცალი ლიმონი
6. 1 ს.კ. გამშრალი ბაზილიკი
7. 3 ცალი კვერცხი
8. 150 გრ გახეხილი ყველი პარმეზანი
9. 4 ს.კ. ცივი გამოხდის ზეითუნის ზეთი
10. 2-3 ს.კ. ზეითუნის ზეთი კრუტონების მოსამზადებლად
11. მარილი

მომზადება:

• ქათმის ხორცი თხელ ნაჭრებად დაჭერით. პური ლუკმებად დაჭერით. ტაფაზე გააცხელეთ ზეთი, ზედ დაყარეთ ბაზილიკი, დაჭყლეტილი ნიორი და მოურიეთ. დაუმატეთ პურის ლუკმები და დაბრაწეთ. კვერცხს დაასხით მდუღარე წყალი და 1 წუთის შემდეგ ამოიღეთ.
• ზეთთან ერთად მოათავსეთ ბლენდერში და ცოტა მარილის დამატებით ათქვიფეთ. სალათის ფოთლები ხელით დააქუცმაცეთ. სასალათეს ან ლანგარს წაუსვით ლიმონის წვენი და ცოტა მარილი მოაყარეთ. ზედ ფენა-ფენა დააწყეთ სალათის ფოთლები, ქათმის ხორცი, გახეხილი ყველი და შებრაწული პურის კრუტონები.
• აქა-იქ მოასხოთ მომზადებული სოუსი და სურვილისამებრ, მოაწურეთ ლიმონი. ბოლოს მოახეხეთ ყველი და მომზადებისთანავე მიიტანეთ სუფრაზე.