ქართველი კულინარისთვის, ძალიან მნიშვნელოვანია კერძების ძველი, პირველადი და ისტორიული რეცეპტით შემონახვა. როგორც ყველამ ვიცით, ლობიანი რაჭიდან არის, შესაბამისად ყველა რაჭველი გეტყვით, რომ ლობიო აუცილებლად ღორის ბაზაზე უნდა მომზადდეს (მარხვისას მცენარეული ცხიმებით ნაცვლდება).

      ახლა რამოდენიმე სიტყვით თუ როგორ წარმოიშვა ლობიანი, ადრეულ ხანაში რაჭაში კვახის (გოგრის) გულისგან ამზადებდნენ ანალოგიურ კერძს, თუმცა ამერიკიდან ლობიოს შემოტანის შემდეგ კვახის გული შეიცვალა ლობიოთი, მათი შეცვლა კი იმით აიხსნება რომ ლობიო უფრო დიდხანს ინახება ვიდრე კვახი.

შემადგენლობა:

1. კარაქი ან მარგარინი 200 გრ.
2. პურის ფქვილი 300 გრ.
3. კვერცხი 1 ცალი.
4. ლიმონის მჟავა 5 გრ.
5. მარილი 5 გრ.
6. საფუარი 5 გრ.
7. შაქარი 4-5 გრ.
8. წყალი დაახლოებით 100 მლლ.
9. წითელი ლობიო 250 გრ.
10. ხახვი 100 გრ.
11. უცხო სუნელი 5 გრ.
12. ზეთი 50 მლლ.
13. მარილი და პილპილი გემოვნებით

მომზადების წესი:

1. ცომი მზადდება ისვე როგორც იმერული ხაჭაპურის, ოღონდ ლობიანის შემთხვევაში ცომი საჭიროებს უფრო მეტ მოზელვას.

2. ლობიო გადაარჩიეთ, გარეცხეთ და დადგით მოსახარშად. როგორც კი ლობიო დარბილდება დაამატეთ ხახვის მთლიანი თავი და უცხო სუნელი.

3. ლობიოს მოხარშვის შემდეგ გადაწურეთ, გაატარეთ ხორცის საკეპ მანქანაში და დაამატეთ მარილი, შავი პილპილი გემოვნებით და ზეთი.

4. ლობიოს გაცივებისთანავე შეგიძლიათ შეუდგეთ მის შეხვევას.

5. შემდეგ ლობიანი გააბრტყელეთ მოათავსეთ ის ღუმელის გაცხელებულ ტაფაზე და გამოაცხეთ 220 გრადუს ტემპერატურაზე 15 წუთის განმავლობაში

6. ბოლოს ლობიანს ზევიდან გადაუსვუთ კარაქი.