ლობიოს გემრიელობაზე არაკებს ყვებიან... გაჭირვების ჟამს რომ საქართველო იხსნა თავისი ნოყიერებით, ამასაც მრავლად მოისმენთ მამა-პაპათა თქმულებებში... სწორედ ამიტომ, ნამდვილ გურმანებს QwellyNaRiA გთავაზობთ ლობიოს რეცეპტს...

     გადაარჩიეთ ერთი ჯამი ხმელი ლობიო, ჩაყარეთ ქოთანში, თუ არ გაქვთ - ქვაბში. დაასხით იმდენი წყალი, რომ ლობიო დაფაროს.

დაადგით ცეცხლზე და როცა მარცვალი ცოტა ჩაითვალება, წყალი დაამატეთ.

სამი თავი ხახვი წვრილად დაჭერით და ჩააყარეთ.  როცა კარგად მოიხარშება, ხის კოვზით ამოზილეთ და წყალი თუ დამშრალი აქვს, ცოტა დაუმატეთ. შემდეგ დანაყეთ ორი სუფრის კოვზი ნიგოზი და ჩაყარეთ. ადუღეთ ნელა, მარილით შეანელეთ და კოვზით კიდევ ამოზილეთ; ლობიო არც ძალინ სქელი უნდა იყოს და არც თხელი. თუმცა ზოგს თხელი ლობიო ურჩევნია, ამისთვის უბრალოდ მეტი წყალი დაუმატეთ. შემდეგ მოაყარეთ წმინდად დაჭრილი ქინძი, ქონდარი, ცოტაოდენი ტარხუნა და ცოტაც პილპილი. თუ მწვანილი არ გაქვთ, შეგიძლიათ სუნელით შეკაზმოთ.