ორაგული ბოსტნეულით, ეს არის კერძი რომლსაც დღეს ნახავთ ყველაგან (ცივილიზებულ საზოგადოებაში) სადაც ნამდვილი გურმანები არიან, მის მომზადების რეცეპტს კი გთავაზობთ Qwellynaria

შემადგენლობა:

• 600 გრ. თევზის ფილე (“ორაგული”)
• 4 საშუალო ზომის სტაფილო,
• 4 მსხვილი კარტოფილი
• 1 საშუალო თავი ხახვი
• 1 საშუალო ზომის პომიდორი
• 100 გრ. რუსული ან შვეიცარული ყველი
• 100 გრ. არაჟანი ან ცხიმიანი ნაღები
• 1 სუფრის კოვზი პურის ფქვილი
• 1 ცალი დაფნის ფოთოლი
• მარილი, დაფქვილი თეთრი პილპილი

მომზადება:

კარტოფილი და სტაფილო გაფცქვენით, გარეცხეთ ცივ, გამდინარე წყალში და 0,5-1 სმ. სისქის რგოლებად  დაჭერით. ხახვი გაფცქვენით და თხელ რგოლებად (ან ნახევარრგოლებად) დაჭერით. პომიდორი გარეცხეთ და 0,5 სმ. სისქის რგოლებად დაჭერით.
გაარჩიეთ მწვანილი და საგულდაგულოდ გარეცხეთ ცივ წყალში. რამოდენიმე ღერო გადაკიდეთ კერძის მოსართავად, დანარჩენი მწვანილი წვრილად დაჭერით. იმისათვის, რომ უფრო მძაფრი გემო მიიღოთ შეგიძლიათ დაამატოთ წვრილად დაჭრილი ან გაჭყლეტილი ნივრის კბილი.

გამოსაცხობი ფორმის ფსკერზე (უმჯობესია გამოიყენოთ არა ლითონის, არამედ კერამიკის ან ცეცხლგამძლე მინისაგან დამზადებული ფორმა) დადეთ დაფნის ფოთოლი, შემდგომ მჭიდროდ, რგოლი რგოლთან, დააწყეთ დაჭრილი კარტოფილის ნახევარი. ოდნავ დაამარილეთ. ზემოდან დადოთ 2 ცალი დაჭრილი სტაფილო და ნახევარი თავი დაჭრილი ხახვი. მომდევნო ფენად დაწყოთ დაჭრილი პომიდორის და მწვანილის ნახევარი.
თევზის ფილე საგულდაგულოდ გარეცხეთ ცივ წყალში. შეაშრეთ ქაღალდის  ხელსახოცით ან მიტკლის ტილოთი და დავჭრათ 5 სმ-ს სიგანის ნაჭრებად. შეამოწმოთ მოცილებულია თუ არა ძვალი და ფარფლი, თუ არა, მოაცილოთ ბასრი დანით.

თევზის ნაჭრები დალაგოთ ბოსტნეულზე ისე, რომ კერძის მირთმევისას ულუფები გამოვიდეს დაახლოებით თანაბარი რაოდენობით. შემდეგ თევზზე განალაგოთ ბოსტნეული ფენა ფენად შემდეგი განლაგებით: პომიდორი და მწვანილი, სტაფილო და ხახვი. ამ კერძში ყველაზე ზედა ფენა არის მკვრივად რგოლი რგოლთან დაწყობილი კარტოფილი. რადგანაც ამ კერძში კარტოფილი ყველაზე დიდ ხანს მზადდება, იგი ოდნავ უნდა დავამარილოთ.
ფქვილი მოხალეთ ტაფაზე ოქროს ფერის მიღებამდე. ყველი დავხეხოთ მსხვილ სახეხზე. არაჟანში ან ნაღებში ჩაყარეთ ფქვილი, დაუმატეთ დახეხილი ყველის ნახევარი, დამარილოთ, მაგრამ გაითვალისწინეთ, რომ კარტოფილი უკვე ოდნავ დამარილებულია. პილპილი გემოვნებით. კარგად მოურიეთ.

მიღებული მასა მოასხით ფორმაში მოთავსებულ თევზსა და ბოსტნეულს. ზედაპირი გაასწორეთ. დარჩენილი გახეხილი ყველი თანაბრად მოაყარეთ კერძის ზედაპირს.
გაახურეთ ღუმელი 220°-მდე და შედგით მასში ფორმა. როგორც კი ყველი შეიბრაწება, ტემპერატურა დააკლეთ 150°-მდე. კერძი მზად არის, როდესაც მზად იქნება კარტოფილი და სტაფილი.