წვნიანი "ოსტრი" გურმანების ნამდვილი ფავორიტი კერძია, მაგრამ თუ რომელიმე იგრედიენტი დააკელით, ჩათვალეთ ვერ გაიგებთ ნამდვილი ოსტრის გემოს...

      ამიტომ ყურადღებით წაიკითხეთ ქველინარია_ს რეცეპტი და იგემეთ ნამდვილი ცხარე სიამოვნება...

შემადგენლობა:

1. 1,5-2 კგ საქონლის ხორცი
2. 2-3 თავი ხახვი
3. 1 ქილა თავისივე წვენში დაკონსერვებული პომიდორი
4. 2 ს.კ. ტომატ-პასტა
5. 2-3 კბილი ნიორი
6. მარილი
7. დაფქული წითელი წიწაკა
8. 1 კონა ქინძი
9. 1 კონა ოხრახუში

მომზადება:

   "ოსტრი" უფრო გემრიელი იქნება, თუ მას რბილი ხორცით მოამზადებთ. ხორცი დაჭერით პატარა ნაჭრებად, ხახვი დააქუცმაცეთ. დაჭრილი ხორცი გადაიტანეთ ქვაბში და დავდგათ მოსაშუშად. რამდენიმე წუთში დავაყაროთ ხახვი, მოვურიოთ, თავზე დავახუროთ და განვაგრძოთ შუშვა. კარგად რომ ჩაიშუშება და სითხეს შეიშრობს, დავამატოთ იმდენი მდუღარე წყალი, რომ ხორცი დაიფაროს. ქვაბს დავახუროთ თავსახური, ცეცხლს დავუწიოთ და ვაცადოთ ხორცს მოხარშვა.

   თუ წყალს დაიშრობს, ხორცი კი ჯერ მზად არ არის, მაშინ ცოტაოდენი წყალი დავამატოთ. როდესაც ხორცი კარგად მოიხარშება, ნახარში ცალკე ჯამში გადავწუროთ. ხორცს დავუმატოთ დაკონსერვებული პომიდორი (სეზონზე ცოცხალი, გაფცქვნილი და წვრილად დაჭრილი 1 კგ პომიდორი გამოიყენეთ) და ტომატ-პასტა.

   დაახლოებით 10-15 წუთით დაბალ ცეცხლზე ვშუშოთ, შემდეგ დავუმატოთ თავისივე წვენი. როგორც ზემოთ აღვნიშნეთ, "ოსტრის" სისქე თქვენს გემოვნებაზეა დამოკიდებული. წვენი ნელ-ნელა დაუმატეთ, რომ კერძის კონსისტენცია აკონტროლოთ.

   სულ ბოლოს დავუმატოთ დაჭრილი მწვანილი, ნიორი, მარილი და წითელი წიწაკა. თუ სქელ "ოსტრს" მოამზადებთ, გარნირად ბრინჯი მოუხდება. მოხარშული ბრინჯი საშუალო ზომის ჩაის ფინჯნით ამოიღეთ ქვაბიდან და თეფშზე ფრთხილად გადმოაპირქვავეთ. ზემოდან მოასხით "ოსტრი" და ასე ულუფებად განაწილებული მიიტანეთ სუფრასთან.