როგორ წესი, შილა ფლავი ხორცისგან მზადდება, კარგი თუ მსუყე ხორცი იქნება. გავრცელებულ და ტრადიციულ რეცეპტში ნათქვამია ცხვრის ხორცით მისი მომზადების შესახებ. მაგრამ გემოვნებაზე დავა რომ არ გამოგვივიდეს, გარემოებები და სურვილებიხ შირად შილაფლავს სოკოთი მოგვამზადებინებენ ხოლმე. ამის საუკეთესო რეცეპტი რა თქმა უნდა Qwellynaria-ს აქვს.

შემადგენლობა:

• სოკო 1,5 კგ
• ხახვი 5 თავი
• მრგვალი ბრინჯი 1 ჭიქა (200გრ)
• დაფნის ფოთოლი 2 ცალი
• ბაჰარი ნახევარი ჩაის კოვზი (ამის გარეშეც შეიძლება)
• ძირა 2 ჩაის კოვზი (აუცილებელია)
• მცენარეული ერბო 4 სუფრის კოვზი
• მარილი, პილპილი, 6 ჭიქა წყალი

მოამზადეთ ასე:

      ხახვი და სოკო დაჭერით (ჯერ გარეცხეთ), მოშუშეთ ერბოში დაბალ ცეცხლზე. ხახვი რომ შეწითლდება, დაასხით წყალი და დაუმატეთ სანელებლები (ძირა, ბაჰარი, დაფნა). წყალი რომ ადუღდება, ჩაყარეთ ბრინჯი. პერიოდულად მოურიეთ 2-3 ჯერ. მარილი და პილპილი გემოვნებით. :) 45 წუთი ეყოფა.

მეორე მეთოდი:

      შეგიძლიათ პარალელურად დადგათ ბრინჯი მოსახარშად და სოკო მოსახრაკად. ანუ: გარეცხეთ ბრინჯი, დაასხით 6 ჭიქა წყალი, ჩააგდეთ დაფნის ფოთოლი, დაამატეთ 1-2 სურის კოვზი მარილი და დადგით საშუალო ცეცხლზე მოსახარშად.

ამავდროულად, მოშუშეთ სოკო ერბოში (ზეთიც შეიძლება), 10 წუთის შემდეგ დააყარეთ დაჭრილი ხახვი და ერთად მოშუშეთ. ხახვიც რომ მოიშუშება, მერე ფრთხილად ჩაყარეთ ქვაბში ბრინჯთან ერთად მოსახარშად. სანამ წყალი ამოშრება, დაუმატეთ ზემოთ ჩამოთვლილი სანელებლები.

სოკო უმჯობესია იყოს ქამა, დაჭერით მსხვილად. :)

მიირთვით გემრიელად!