თქვენი გამკვირვებია გურმანებო, ტარხუნის ღვეზელის ტრადიციული კლასიკური რეცეპტი როგორ არ დადეთ? ყველა კერძის კომენტარებში, სულ ჩაქაფულზე საუბრობთ და ტარხუნის ღვეზელი რამ დაგავიწყათ? მწვანილთა დედოფალია ტარხუნა, მისი ღვეზელი კი საუკეთესოა თავის კატეგორიაში.

შემადგენლობა:

• ბრინჯი - 200 გ.
• ტარხუნა - 2 კონა
• ახალი ხახვი
• მარილი, შავი პილპილი
• პურის ფქვილი - 1-1,5 კგ.
• საფუარი

მომზადება:

შიგთავსი: ტარხუნა და მწვანე ხახვი წვრილად დაჭერით და სულ ოდნავ მოთუშეთ, არ დაუკარგოთ ტარხუნას გემო. გადაურიეთ წინასწარ მოხარშული ბრინჯში, დაუმატეთ მარილი და შავი პილპილი გემოვნებით.

ცომი: 2 ჩაის კოვზი მარილი, 1,5 ჩაის კოვზი შაქარი, 1 სუფრის კოვზი საფუარი, 0,5 ჭიქა ზეთი აურიეთ ნახევარ ლიტრ თბილ წყალში, ჩააყარეთ პურის ფქვილი, მოზილეთ ფაფუკი ცომი და 1-2 საათი თბილ ადგილას დადგით.

      ცომი მოაგუნდავეთ, გააბრტყელეთ, ჩაუდეთ ტარხუნის გული და გამოაცხვეთ.

      გემრიელად მიირთვით!

P.S. ფოტოზე ტარხუნის ღვეზელ დამატებული აქვს მოხარშული კვერცხიც, რომელი ვარიაციაც ძალიან პოპულარულია სწრაფი კვების ობიექტებში, თუმცა მის გარეშე ტარხუნის ღვეზელი ნამდვილი კლასიკაა.