ტატენი როგორც ტიტანების საყვარელი დესერტი. საზაფხულო ხილთა შორის, განსაკუთრებით გემრიელია გარგარი! ვიცი ბევრი მეთანხმება.

და როგორი გემრიელი იქნება Qwellynaria-ს რეცეპტით მომზადებული გარგრის ნამცხვარი?

თავად გასინჯეთ და განსაჯეთ:

შემადგენლობა

ა) ცომი:

• კარაქი - 100 გრ
• ფქვილი - 200 გრ
• მარილი - მწიკვი
• წყალი - 5 ს/კ (გაყინული)

ბ) გულსართი:

• კარაქი - 25 გრ
• შაქარი - 100 გრ
• გარგარი - 600 გრ

მომზადება:

ცომისთვის კომბაინში ჩადეთ 100 გრ კარაქი და 200 გრ ფქვილი.

დააყარეთ 1 მწიკვი მარილი და ათქვიფეთ საშუალო ნაფხვენებამდე.

დაამატეთ 5 ს/კ გაყინული წყალი და მოზილეთ, სანამ ცომი არ დაიწყებს მიწებებას.

მომზადებული ცომი ჩქარა გააბრეტყელეთ საკონდიტრო ქაღალდზე, მოყრილი ფქვილით.

შეახვიეთ რულონის სახით და შედგით მაცივარში ნახევარი საათით.

ამასობაში მოამზადეთ გულსართი. კარაქი გაადნეთ ფორმაში სადაც უნდა გამოაცხოთ ნამცხვარი.

დაამატეთ 100 გრ შაქარი და დაელოდეთ სანამ არ გამუქდება, ოღონდ ისე რომ არ ურიოთ.

გაციებულ კარამელზე დაალაგეთ შუაზე გაჭრილი გარგარი. (600 გრ)

დააფარეთ ისინი ცომით და შედგით ღუმელში 200 გრადუსზე 30 წუთით.

ნამცხვარი ამოიღეთ ფორმიდან და გადმოატრიალეთ, როცა სიროფი შეწყვეტს დუღილს.