ბოლო ხანებში, ძალიან მომრავლდა საქართველოში ვირის შაურმები. ვირთან არაფერი მაქვს საპრეტენზიო, მაგრამ ...

      რა არის შაურმა? თხელ პურში გადახვეული ხორცი.

      Qwellynaria-ს ერთგულ მკითხველს მინდა წარვუდგინო ეკოლოგიურად სუფთა, ნამდვილი, ღორის ხორცით მომზადებული რულეტი.

      დააგემოვნეთ და თავად განსაჯეთ!

შემადგენლობა:

1. ღორის ხორცის რბილი ნაჭერი - 800 გრამი
2. ხახვი - 1 თავი
3. სტაფილო - 2 ცალი
4. ნიორი - 2 კბილი
5. დაჭრილი ისპანახი - 2 სუფრის კოვზი
6. დაჭრილი კამა და რეჰანი - თითო–თითო სუფრის კოვზი
7. ზეთი - 6 სუფრის კოვზი
8. ლიმონის წვენი - 2 სუფრის კოვზი
9. ხმელი სუნელი - 1 სუფრის კოვზი
10. მარილი - გემოვნებით.

მომზადება:

• ღორის ხორცი შუაზე გაღერით
• მოაყარეთ მარილი
• გახეხეთ სტაფილო მსხვილ სახეხზე
• ხახვი წვრილად დაჭერით და კარაქში მოშუშეთ გახეხილ სტაფილოსთან ერთად
• ნიორი დანაყეთ, დაუმატეთ ხახვს და სტაფილოს
• ჩაამატეთ მწვანილი, ხმელი სუნელი, ლიმონის წვენი და 2 სუფრის კოვზი კარაქი
• ღორის ხორცს წაუსვით ეს მასა
• ხორცი გადაახვიეთ რულეტისებურად, წაუსვით ცხიმი და ქურაში გააჩერეთ ერთი საათის განმავლობაში, 200 ცელსიუს გრადუსის ტემპერატურაზე
• მომზადებული რულეტის თეფშზე გვერდით გარნირად მიუწყეთ ახალი ბოსტნეული.