8 აგვისტოს ღამეს, ქალაქ სენაკში, ღია ცის ქვეშ, კინოთეატრ ,,რუსთაველი“–ს მიმდებარე ტერიტორიაზე, 2008 წლის აგვისტოს საქართველოში რუსეთის აგრესიის 4 წლისთავთან დაკავშირებით გაიმართა ომში დაღუპულ გმირთა ხსოვნისადმი მიძღვნილი ღონისძიება. ლიტერატურულ კომპოზიციას: ,,მათ ხსოვნას ქვეყანა სანთლებად აინთებს’’. თან სდევდა უზარმაზარ ეკრანად ქცეულ კედელზე ტრაგიკული მოვლენების ქრონოლოგიის, სენაკელი გმირების: ლევან თეფანიასა და თემურ ბოკუჩავას ცხოვრების ამსახველი კადრები.

კიდევ ერთხელ გაიხსენეს სენაკსა და საქართველოს სხვა კუთხეებში მომხდურის ძალმომრეობის შედეგად გარდაცვლილი მოქალაქეები, გმირი წინაპრების ფესვებიდან ამოზრდილი ჩვენი თანამედროვე ბიჭები, რომლებმაც საკუთარი სიცოცხლე გაიღეს მსხვერპლად სამშობლოსათვის, ხოლო ერს, რომელსაც ამდენი გულანთებული გმირი ჰყავს, გადაშენება არ უწერია. საღამო წარიმართა სენაკის მუნიციპალიტეტის გამგეობის ორგანიზებით