დღესდღეობით, 21-ე საუკუნის საქართველოში, საკმაოდ მნიშვნელოვანია რელიგიის, მართმადიდებლური ეკლესიის და განსაკუთრებით, პატრიარქის როლი, რომელიც საზოგადოებრივი ცხოვრების ყველა ასპექტზე შეინიშნება. პატრიარქი თავის ეპსტოლეებში მუდმივად განიხილავს სხვადასხვა სოციალურ საკითხსა თუ პრობლემას და საუბრობს მათი გადაჭრის გზებზე მართმადიდებლობის კონტექსტში. ერთ-ერთი ასეთი საკითხია შრომა და უმუშევრობით გამოწვეული პრობლემები. ამ შემთხვევაში მნიშვნელოვანია მართმადიდებლური ეკლესიის წინამძღოლის, როგორც ავტორიტეტის პოზიცია, თუ როგორი შრომისკენ მოუწოდებს ან არ მოუწოდებს საზოგადოებას, როგორ წაახალისებს მოსახლეობას და ა.შ.

      კვლევითი ნაშრომის მიზანია სოციოლოგური კვლევის თვისებრივი მეთოდების გამოყენებით, კერძოდ, კონტენტ-ანალიზის საშუალებით იკვლიოს, გააანალიზოს და მართმადიდებლობის კონტექსტში კრიტიკულად გაიზროს პატრიარქის 32 ეპისტოლე, სადაც შრომა და შრომისადმი დამოკიდებულებებია ნახსენები და გაიგოს, როგორ არის ადაპტირებული მართმადიდებლობაში დამკვიდრებულ შრომით დამოკიდებულებებთან ქართული შრომის ეთიკა.

ავტორები: გიორგი ჭინჭარაული, ლიკა ოქროპირიძე, ნინო გელანტია, ნინო ხატისაშვილი, ლაშა ჩილინდრიშვილი

საკვანძო სიტყვები: მართმადიდებლური ეკლესია, პატრიარქი, ეპისტოლე, შრომა, ქართული შრომის ეთიკა, საზოგადოება, 21-ე საუკუნე.

იხილეთ კვლევის შედეგები:

"შრომა პატრიარქის ეპიესტოლეებში"

ილიას სახელმწიფო უნივერსიტეტი

2015