სრულიად საქართველოს კათოლიკოს-პატრიარქი, მცხეთა თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, უწმინდესი და უნეტარესი ილია მეორე სოხუმის სახელმწიფო უნივერისტეტს ეწვია. საქართველოს ეკლესიის მწყემსმთავარს უმაღლესი სასწავლებლის ეზოში სტუდენტები და პროფესორ მასწავებლები დახვდნენ. უნივერისტეტის რექტორმა კათოლიკოს-პატრიარქს იმ დიდი ყურადღებისთვის, რომელსაც უწმიდესი და უნეტარესი სასწავლებლის მიმართ იჩენს მადლობა გადაუხადა და უმაღლესი სასწავლებლის სახელით საპატიო დოქტორის დამადასტურებელი სიგელი გადასცა. სოხუმის უნივერსიტეტის წინაშე გაწეული მნიშვნელოვანი ღვაწლისთვის კათოლიკოს-პატრიარქს დღესვე უნივერსიტეტის მედალი გადაეცა. უმაღლეს სასწავლებელში შეკრებილ საზოგადოებასთან კათოლიკოს პატრიარქმა სულიერებისა და განათლების შერწყმის აუცილებლობასა და მეცნიერების განვითარების მნიშვნელოვან როლზე ისაუბრა. კათოლიკოს-პატრიარქმა განსაკუთრებული ყუადღება ასევე ეკოლოგიასა და ბუნების გამწვანებაზე გაამახვილა. პროფესორ-მასწავლებლებს კი მისცა ლოცვა-კურთხევა, რომ უმაღლესი სასწავლებლის პროგრამაში შევიდეს საგანი, რომელიც სტუდენტებს ნერგების გამოყვანას ასწავლის. ღონიძიების დასასრულს ანსამბლ ‘’სნოს’’ წევრებმა მუსიკალური ნომრები შეარულეს