მედია - ეს არის საჯარო სივრცე, რომლის მთავარ სამიზნესაც წარმოადგენს ხალხი. მედიის მიზანია, რომ ინფორმაცია გავრცელდეს სახალხოდ, მაგრამ ეს ინფორმაცია სწორია თუ არასწორი ეს უკვე დამოკიდებულია ინფორმაციის გამავრცელებელზე. მედიის ზეგავლენა ხალხზე, მისი ძალა და ა.შ დეტალურადაა ნაჩვენები ფილმში „კუდის ქიცინი“. ფილმში ზუსტად არის ასახული თუ რა ხდება კამერის უკან და როგორ შუქდება სახალხოდ უბრალოდ ჰაერიდან მოგონილი ისტორიები. ამასთანავე აღსანიშნავია ისიც, რომ გაწერილია ყველა დეტალი. მაგალითად: როდესაც საზღვრავენ რა ფერი სამკლავური უნდა გააკეთოენ ერთ-ერთი იდეა წამოიჭრება რომ უნდა იყოს მწვანე, მაგრამ ეს ვერსია გაივლის „ცენზურას“ და გადაწყდება რომ ის უნდა იყოს ხაკისფერი. „ხაკისფერი ხომ სიამაყის სიმბოლოა“. ასე რომ მედია ხშირად აშუქებს მოგონილ, არასწორ და თავიანთზე მორგებულ ინფორმაციას. ამას მოწმობს ის ფაქტიც, რომ ფილმში ერთ-ერთი პერსონაჟის (პროდიუსერის) მიერ გამოკრთება შემდეგი წინადადება: „რა შეიძლება იყოს შოუბიზნესზე მშვენიერი?!“. ზუსტად აღნიშნულ ფრაზაში ასახულია დღევანდელი რეალობაც. მედია ხომ იმას აშუქებს რაც მათ აწყობთ, ამიტომაც ის მშვენიერია.

      მედია ადამიანებს საკმაოდ უგულო პიროვნებებად აქცევს, როგორც ეს მოხდა ფილმში „ღამის ქვეწარმავალი“. მთავარია ფულის შოვნა და ყველანაირი ადამიანური თვისებები და ღირებულებები დაკარგულია. ლუი ბლუმი თავდაპირველად ერთი ჩვეულებრივი ადამიანი იყო, რომელიც შემთხვევითობის წყალობით საკმაოდ წარმატებული გახდა. ლუისაც კი, რომელსაც თავად აქვს გამოცდილი როგორია იყო საზოგადოებისგან გარიყული, ავიწყდება პიროვნული ფასეულობები და გააწირავს თავის ამხანაგს. ამას კი მხოლოდ და მხოლოდ ერთი მიზეზის გამო აკეთებს, რომელსაც ფული ჰქვია. მთელი მედია აწყობილია მხოლოდ და მხოლოდ დიდი სარგებლის მიღებაზე და ისინი უარს ამბობენ ადამიანურ თვისებებზე.