პროექტ "რელიგიური ტოლერანტობის" შესახებ ინფორმაცია ამერიკული კუთხის სოცილური გვერდიდან მივიღე, გავაგზავნე მოთხოვნა პროექტში მონაწილეობასთან დაკავშირებით და დიდი ინტერესით ველოდი მის დაწყებას. პროექტის სტრუქტურამ და გეგმამ მოლოდინს გადააჭარბა, ის დატვირთული იყო თავისუფალი საუბრებით, რომელიც შორს იდგა რომელიმე კონკრეტული რელიგიის პროპაგანდისგან და შესაძლებლობას გვაძლევდა მოგვეხდინა ჩვენი შეხედულებების რეალიზება გარშემომყოფთა შორის. ვთვლი რომ პროექტის თითოეული შეხვედრა ინფორმატიულობით გამოირჩეოდა, ინტერაქტიული ლექციები კი მას უფრო საინტერესოს ხდიდა. განსაკუთრებული შთაბეჭდილება ჩემზე პროექტის ფარგლებში გამართულმა ექსკურსიამ მოახდინა. სინაგოგის, მეჩეთის, კათოლიკური და მართლმადიდებლური ტაძრების ერთდროულად მონახულებამ საშუალება მომცა უფრო მკაფიოდ დამენახა მათ შორის გასხვავებები. გაგიკვირდებათ და საკმოდ ემოციური იყო ჩემთვის, ყოველივე ამის შემდეგ, ქრისტიანულ ტაძარში შესვლა, რამაც კიდევ ერთხელ დამარწმუნა საკუთარი რწმენის ჭეშმარიტებაში. მთავარი ის არის რომ ჩამომიყალიბდა მკაფიო აზრი მსოფლიოს სხვადასხვა რელიგისთან დაკავშირებით და ვფიქრობ, რომ სწორედ რელიგიური ტოლერანტობა და გარშემომყოფთა არჩევანის პატივისცემაა, უპირველეს ყოვლისა, თითოეული მოქალაქის მოვალეობა.