რელიგიური ტოლერანტობა-პროექტი, რომელმაც ძალიან დიდი შთაბეჭდილება დატოვა ჩემზე და უამრავი ახალი ცოდნა შემძინა სხვადასხვა სფეროში. აქამდე არ მეგონა და ძნელად წარმომედგინა თუ შესაძლებელი იქნებოდა ისეთი პროექტის, ტრენინგის და ა.შ შექმნა და დაგეგმვა, სადაც ყოველი ლექცია, საათი, წუთი, წამი, ერთნაირად საინტერესო და მრავლის მომცველი იქნებოდა. პროექტმა ძალზედ საინტერესოდ ჩაიარა, რადგან არ იყო ორიენტირებული მხოლოდ ერთ კონკრეტულ თემაზე და განვიხილავდით ყველაფერს რაც კი შეიძლება დაკავშირებული იყოს რელიგიასთან (ლიტერატურა, კინემატოგრაფია, მედიცინა, ჟურნალისტიკა, სპორტი და ა.შ.) ლექციების კურსი საინტერესო იყო იმითაც, რომ მოვაწყვეთ გასვლითი აქტივობა და დავათვალიერეთ თბილისში მდებარე სინაგოგა, მეჩეთი, კათოლიკური ეკლესია... რომ არა ეს პროექტი ალბათ არ მომივიდოდა აზრადაც კი ზემოთ აღნიშნული ადგილების მონახულება.

      საბოლოო ჯამში, მინდა ძალიან დიდი მადლობა გადავუხადო ტრენერს, ამერიკული კუთხის გუნდს და ყველას, ვინც ამ პროექტის შექმნაში მონაწილეობდა.