რომ ვთქვა- 2012 ცუდი წელი იყო-მეთქი, უნამუსო ვიქნები, ძალიან-კარგი-მეთქი- მატყუარა. ჩვეულებრივი წელი იყო, თავისი სიხარულებით და ტკივილებით, ნამდვილი და ყალბი ღიმილებით...
ისევ გავიცანი ბევრი ძალიან კარგი ადამიანი, ბევრი ძალიან კარგი ადამიანიც დავკარგე, მაგრამ ეგ რაღაც კანონზომიერებასავითაა მგონი. 
წელს პირველად ვიჯექი "კენგურუზე", აი, ზემოდან რომვარდება და ძალიან რომ გეშინია. ზოგადად პირველად ვიჯექი ეგეთ საშიშ რამეზე და აღარ ვაპირებ. 
წელს პირველად მივხვდი, რომ შეიძლება იყოს ცუდი ამინდი, არაფერი ხდებოდეს კარგი, იყო მარტო და მაინც ბედნიერი იყო, იმიტომ, რომ სადღაც, არც თუ ისე შორს "ის" არის და "ის" შენია.
წელს პირველად ვიყავი დასასვენებლად დამოუკიდებლად- ოჯახის გარეშე ანუ. და რაღაც ძალიან დიდი მეგონა თავი. 
წელს პირველად მივხვდი, რომ ახალი წელი დიდად არ მიხარია, იმიტომ, რომ ნელ-ნელა მიდიხარ "ლოგიკური დასასრულისკენ", მე კიდე, არ მიყვარს დასასრულები, "ლოგიკური"- მითუმეტეს.
ჰო, ცურვა, რა თქმა უნდა, ვერც წელს ვისწავლე.

წელს ბევრს მოვუშალე ნერვები და ვაწყენინე, გულწრფელი ბოდიში მათ! ვეცდები, გამოვსწორდე.