სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა და ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა ილია მეორემ თურქეთის საგარეო საქმეთა მინისტრ აჰმეთ დავუთოღლუს საპატრიარქო რეზიდენციაში უმასპინძლა.

ილია მეორემ და აჰმეთ დავუთოღლუმ თურქეთში ქართული ძეგლებისთვის იურიდიული სტატუსის განსაზღვრის საკითხზე ისაუბრეს.

საქართველოს ეკლესიის საჭეთმპყრობელმა და თურქეთის საგარეო უწყების ხელმძღვანელმა რამდენიმე მნიშვნელოვანი საკითხი განიხილეს.

კათოლიკოს-პატრიარქმა განსაკუთრებული ყურადღება გაამახვილა თურქეთის ტერიტორიაზე არსებული ქართული ძეგლებისთვის იურიდიული სტატუსის განსაზღვრის საკითხზე, ასევე, ტაო-კლარჯეთსა და ლაზეთში სამონასტრო ცხოვრების აღორძინებასა და ქართული ეკლესიების რესტავრაციაში იუნესკოს ჩართვის საკითხებზე.

თავის მხრივ, თურქულმა მხარემ თანამშრომლობისთვის მზადყოფნა გამოთქვა.