კულტურა კონუსით შენდება: მეტი მაღალი მეტი ვიწროა და მწვერვალებზე დგომა მარტო ერთეულებს შეუძლიათ. მწვერვალებმა იცის სიცივე მარტოობის. პოეტს შეუძლია იყოს მარტო : ამაში ერთნაირი სიამოვნებაც არის- სიამოვნება ტანჯვის. ხელოვანისთვის მარტოობა სიკვდილია. ხელოვნება ხომ თქმაა- თქმას კი მსმენელი უნდა .ოსტატ გენიოსს სჭირდება  მკითხველი გენიოსი, რომელიც მისი თანაბარი იქნება ხედვის და სმენის დაწვრილებით. პოეტს გენიოსს უნდა შეხვდეს მკითხველი გენიოსი, რომლის თვალები გაუძლებს ქვეყნის ახალი გვერდით დანახვას.მაღალი აუდიტორია ზოგჯერ ამაღლებს ხელოვანსაც და ათქმევინებს მაქსიმებს. ამიტომ ვფიქრობ, რომ კარგ მთქმელს კარგი გამგონეც უნდა.

 მკითხველო,  სწორედ შენ შეგიძლია იგრძნო დიდებული ჩრდილების სიახლოვე, ისტორიის ნაკვალევი და აწმყო. პოეზიაში დარჩენისათვის საჭიროა დიდი ნებისყოფა. აუცილებელია მისი სიყვარული და შეგნება. დედამიწა მშობიარის წამებას განიცდის და იმედს ვიტოვებ, რომ  მალე გავიგონებთ ახლად შობილის პირველ ნორჩ კივილს. და აქ შენ მკითხველო არ უნდა დახუჭო თვალი. აქ მიმინოს თვალებია საჭირო, რომ ახალი მომავალი იგრძნო.