ახალი დღე მოსამართლის კანდიდატს მიეძღვნა. ძირისძირობამდე გამოიკითხა, დაიკითხა, განიკითხა და ისე დატოვა პარლამენტი. ამას გარდა პრეზიდენტის მოწყალების ამბავიც არ ტოვებს ნიუსლენტს.

საქართველოს და მსოფლიოს ამბები / 23 სექტემბერი, 2019

      მოსამართლის დაკითხა - იურიდიულ საკითხთა კომიტეტში მოსამართლეობის კანდიდატებთან გასაუბრება შედგა. ეკა ბესელია - ძალიან გაბრაზებული ვარ, რადგან მოსამართლეობის კანდიდატების მოსმენა იწყება უპასუხისმგებლო დამოკიდებულებით. ანა დოლიძე - "ქართულ ოცნებას" ეშმაკური სტრატეგია აქვს: როცა უკმაყოფილებას ხედავენ, მიადგებიან ხოლმე საქართველოს კონსტიტუციას. მამუკა ხაზარაძის მოძრაობა „ლელო“ პარლამენტს მოუწოდებს, „არალეგიტიმური პროცესის“ შედეგად შერჩეულ მოსამართლეობის კანდიდატებს მხარი არ დაუჭიროს. ანა დოლიძე - უმკაცრესი კონტროლია პარლამენტში შემოსვლაზე, თაგვიც ვერ შემოაღწევს ამ შენობაში. პარლამენტთან აქცია სახელწოდებით - "არ ჩააბეტონო კლანი" გაიმართა. რომან გოცირიძე - მოსამართლეობის კანდიდატებს, ალბათ, გულში ეცინებათ - „ჩვენ, ყველაფრის მკადრებლები, ყველა ხელისუფლებისთვის საჭირო ვართო“, მაგრამ არ ხართ საჭირო! ირაკლი აბესაძე - "ქართული ოცნება" მართლმსაჯულების სისტემის უფსკრულში გადაჩეხვას აპირებს. ოთარ კახიძე თამარ ალანიას - მეგონა, პირველი კურსის მასალა იცოდით. მოსამართლეობის კანდიდატის თამარ ალანიას განცხადებით, მას არ ახსოვს იუსტიციის საბჭოდან კონკრეტულად ვინ დაუკავშირდა და სიაში ჩასმის შესახებ აცნობა. გიგა ბოკერია - მაქვს თქვენი კომენტარები, სადაც თქვით, რომ სასამართლოს გამორჩეული ლიდერია ბატონი მურუსიძე - ახლა, ასე აღარ თვლით?! სოფო კილაძემ მოსამართლეობის კანდიდატ თამარ ალანიას კითხვა 14 წლის მსჯავრდებულ გვანცა ყუფარაძის საქმესთან დაკავშირებით დაუსვა. გიგა ბოკერია თამარ ალანიას - ადამიანი ჭაობში რომ ჩავარდები, მერე არ უნდა იფართხალო, თორემ უფრო სწრაფად ჩაიძირები - ასე გამოგდით. ანა ნაცვლიშვილი - პარლამენტის მიერ მოსამართლეობის თუნდაც ერთი კანდიდატის დამტკიცება, იქნება ფარსში თანამონაწილეობა. თამარ ალანია მოსამართლეთა ქონების შესახებ სიუჟეტზე - შეიძლება განცხადება უნდა გამეკეთებინა თუ რა გზითაა შეძენილი ეს ქონება, ალბათ, გარკვეული აქტივობა უნდა განმეხორციელებინა. ლევან ბოძაშვილი - სასამართლო სისტემაში ფაქტობრივი პოლიტიკური გავლენების წარმატებული რეალიზაცია მიმდინარეობს. კახა კოჟორიძე - „ლელო“ ინიციატივით გამოდის, შეიქმნას დოკუმენტი, სადაც პარტიები, ცალკეული ადამიანები სასამართლო სისტემაში არსებული პრობლემიდან გამოსავალზე შეთანხმდებიან. თამარ ალანია რომან გოცირიძეს - მოსამართლეების ყიდვასთან დაკავშირებით თქვენი განცხადება შეურაცხმყოფელია. ნინო გოგუაძე თამარ ალანიას - ჩავთვლი, რომ არ გსურთ პასუხის გაცემა კითხვაზე, დაუჭერდით თუ არა მხარს მოსამართლეობის სიის პარლამენტში იმ ფორმით გაგზავნას, როგორც ეს დეკემბერში გაკეთდა? ეკა ბესელია ანრი ოხანაშვილს - თავი შენ თვითონ გააკონტროლე და თავი დაანებე ჩემთან აღმზრდელობით საუბარს. დიმიტრი ცქიტიშვილი თამარ ალანიას - გადაწყვეტილებების მიღებისას როდის უფრო თავისუფალი იყავით, 2006 წლიდან 2012 წლამდე თუ 2012 წლიდან დღემდე? ბიძინა გეგიძემ მოსამართლეების შერჩევის პროცესს „სრული უნდობლობა“ გამოუცხადა. თამარ ალანია ლევან კობერიძეს - მელიორაციამდე არ დადის ჩემი საქმიანობა. არ ვიცი, ზურაბ ადეიშვილი კარგი ადამიანია თუ ცუდი. ლევან გოგიჩაიშვილი თამარ ალანიას - სააკაშვილი იმიტომ იყო სააკაშვილი, რომ თქვენ არსებობდით - თქვენ რომ ცოტა გამბედავი ყოფილიყავით, არავის მოკლავდნენ, არავის აწამებდნენ. ნუკრი ქანთარია თამარ ალანიას - თვითმფრინავის სალონში, თქვენ გვერდით რომ ისხდნენ კობა ოთანაძე და გვანცა ყუფარაძე, მიესალმებით მათ, თუ თავს ისე დაიჭერთ, ვითომ ვერ იცანით? ლევან კობერიძე თამარ ალანიას - თქვენც ერთ-ერთი ცუდი იყავით და ახლა კარგი ხდებით? დავით უსუფაშვილი - ქართულ მართლმსაჯულებას დღეს თვით თემიდას მოსამართლედ დანიშვნაც კი ვერ გააჯანსაღებდა. კობა კობალაძე თამარ ალანიას „მუხროვანის ამბოხების“ საქმეზე - მესმის, რომ თქვენ შეიძლება გაქვთ პასუხი, მაგრამ ეს პასუხი იმდენად მიუღებელია, სჯობს, დადუმდეთ. ლევან გოგიჩაიშვილი თამარ ალანიაზე - დღეს ჩვენ ვიხილეთ ადეიშვილისა და სააკაშვილის რეჟიმის პროდუქტი. თამარ ალანია - პარლამენტისგან ობიექტური განსჯის შედეგად მიღებული გადაწყვეტილების მოლოდინი მაქვს.

      დელეგატი პრეზიდენტი - საქართველოს დელეგაციას გაეროში საქართველოს პრეზიდენტი სალომე ზურაბიშვილი უხელმძღვანელებს.

      მოსავლიანობა - კახეთში 123 ათასი ტონა ყურძენი გადამუშავდა.

      პრეზიდენტის დანაშაული - ირმა ნადირაშვილი - ჩემი წყაროს მხრიდან პირდაპირ იყო ნათქვამი, რომ ასეთი შეწყალებების უკან გაბუნია ფულს აკეთებს - გამოკითხვისას წყაროს იდენტიფიცირებას არ ვაპირებ. ბათუ ქუთელია - პრეზიდენტი დაბარებული უნდა იყოს პროკურატურაში თუ ადგილზე გამოიკითხოს, ეს იურიდიული კაზუისტიკაა, მთავარია, ყველა კითხვას პასუხი გაეცეს. ირმა ნადირაშვილი - გამოკითხვისას წყაროთი უფრო დაინტერესდნენ, ვიდრე დიმიტრი გაბუნიათი და პრეზიდენტით. დიმიტრი გაბუნია - პატიმრების შეწყალებაში არ ვარ გარეული და მეც მედიით გავიგე - მეც მაინტერესებს, ვინ ურჩია პრეზიდენტს კონკრეტული პირების შეწყალება. დავით სიხარულიძე - სალომე ზურაბიშვილს საკუთარი თავი მიაჩნია მეფის ფუნქციებით აღჭურვილად. დიმიტრი გაბუნია კატეგორიულად უარყოფს, რომ პრეზიდენტის მიერ შეწყალებული ერთ-ერთი პირის ადვოკატი იყო. დიმიტრი გაბუნია აცხადებს, მას გამოძიება ამ დრომდე არ დაკავშირებია. დიმიტრი გაბუნია - არ არის გამორიცხული პროკურატურას მივმართო გამოიძიონ, ვისი ინტერესი იყო ჩემი სახელის და გვარის წამოწევა - ცამდე მართალი ვარ! შესაწყალებელი პატიმრების სიის შედგენით პრეზიდენტის ადმინისტრაციის უფროსის მოადგილე იყო დაკავებული - ეს ადამიანი მიბრძანდება გამოძიებაში. გია ვოლსკი - თუ დაკითხვა გახდება საჭირო, პრეზიდენტიც დაიკითხება. ლევან ალაფიშვილი - შეწყალებულების უკან შებრუნება ვერ მოხდება, ყველა შემთხვევაში, ისინი დარჩებიან გარეთ.

      საზღვარი სამხრეთში - საქართველოსა და აზერბაიჯანის რესპუბლიკის სახელმწიფო საზღვრის დელიმიტაციისა და დემარკაციის კომისიების ექსპერტთა შეხვედრის მეორე ეტაპი დაიწყო.

      შრომა კანონში - ბექა ნაცვლიშვილი - „შრომის კოდექსში“ დაგეგმილი ცვლილებები, რომელიც "ქართული ოცნების" წევრებმა მოამზადეს, მშრომელების მდგომარეობას გააუარესებს. ზურაბ ჭიაბერაშვილი - ბექა ნაცვლიშვილი და დიმიტრი ცქიტიშვილი ფიქრობენ, რომ ერთ წელში უნდა მოახერხონ მეტი მარქსიზმის დანერგვა, რათა კომუნიზმში შევიდეთ.

      პუტინის მორიგი იდეა - პუტინმა მთავრობას ოკუპირებული აფხაზეთის არმიის მოდერნიზაციისთვის ფინანსების გამოყოფა დაავალა. ვლადიმერ კონსტანტინიდი რუსეთის მიერ ე.წ.აფხაზური არმიისთვის ფინანსების გამოყოფაზე - საქართველო მიმართავს ყველა საშუალებას, რომ შეჩერდეს რუსეთის მხრიდან მსგავსი ქმედებები.

საზღვარგარეთულები:

      არაბეთი - "არაბთა გაერთიანებული სია" ბენი განცის გაპრემიერებას უჭერს მხარს.

      აშშ - მაიკ პომპეო - აშშ-ს ირანთან ომის თავიდან აცილება სურს. დონალდ ტრამპი ზელენსკისთან ბაიდენის შესახებ საუბრის ფაქტს ადასტურებს. ბრალი ირანს - ბორის ჯონსონი - საუდის არაბეთის ნავთობობიექტებზე თავდასხმაზე პასუხისმგებელი ირანია.

      ბრიტანეთი - ჟან-კლოდ იუნკერი დარწმუნებულია, რომ "ბრექსითი" გარდაუვალია.

      - კენიაში საკლასო ოთახის ჩამონგრევის შედეგად 7 ბავშვი დაიღუპა და 57 დაშავდა.

წყაროები: ქართული ინტერნეტ საინფორმაციო პორტალები

◄ წინადღის ამბები მომდევნო დღე ►

ნახვა: 158

ტეგები: qwellynews, ამბები, ბლოგი, ნიუსები, სექტემბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ვისაც პოეზია უყვარს

გამოაქვეყნა დავით ბილიხოძე_მ.
თარიღი: ივლისი 3, 2025.
საათი: 12:30pm 0 კომენტარი

ვწვალობ მამაო, აღარ ძალმიძს სულის ნათება, ჩვენთან სამყარო მახინჯია, კუპრივით ბნელი, მტვრიან მიწაზე იმედების მოკალათებას, ვეღარ ვცდილობ და სამართალსაც ყოველდღე ვწყევლი, ვწვალობ მამაო, სტრიქონებით გესაუბრები, აღსარებაა ყველა ლექსი, - ჩემი განვლილის, პოეზია კი მხრებზე მადგას, როგორც უღელი და არ სუსტდება, მოყვასისთვის ხელი გაწვდილი, ვწვალობ მამაო, წვალებაა თვითონ ცხოვრებაც, ბრძოლის ველია, გავიტანო კბილებით უნდა, მაგრამ ბალღამი ქურდია და სულში მოძვრება რა მეშველება, იმედებიც თუ გამიხუნდა?…

გაგრძელება

Valhalla Rising Strategy Guide – Dominate the Norse Realms

გამოაქვეყნა Karmasaylor_მ.
თარიღი: ივნისი 27, 2025.
საათი: 6:00am 0 კომენტარი

 Lionheart Studio, deeply inspired by Norse mythology. Set across the realms of Midgard, Jotunheim, Niflheim, and Alfheim, players are immersed in breathtaking landscapes, cinematic storytelling, and visceral combat. However, to thrive in the world of Odin, you'll need more than good looks and brute strength—you'll need solid strategies. 

1. Choose the Right Class for Your Playstyle

At launch, Odin: Valhalla Rising features four primary classes: Warrior, Sorceress, Rogue, and…

გაგრძელება

დამეხმარეთ გთხოვთ🖤

გამოაქვეყნა nino bubulashvili_მ.
თარიღი: ივნისი 20, 2025.
საათი: 11:26pm 0 კომენტარი

გამარჯობა❤ძალიან გთხოვთ როგორც დედა და როგორც ქალი,ამ მდგომარეობიდან ამოსვლაში დამეხმაროთ♥️️

სულ ვცდილობთ ვიშრომოთ მე და ჩემმა მეუღლემ, არდავნებდეთ, მაგრამ დავიღალე!ვეღარ აუდივართ,ძალიან ბევრ ხარჯს, ბავშვების ჭამა,ცუდათ ყოფნა,თითოეულ ვიზიტზე მასაჟს თანხა უნდა,გამოვიფიტეთ ყველაფრისგან,პატარაც გამიცივდა და წამლებში წავიდა იმ 600ლარის ხელფასის ნაწილი,სოციალური კი დავინიშნეთ მაგრამ ივლისამდე ვერ ვიღებთ,აღარც მაღაროზე გამოიძახეს ჯერ და იმ 60პროცენტსაც აღარ უხდიან😔 ბოლო პერიოდში ხალხი როარა…

გაგრძელება

Lamine Yamal

გამოაქვეყნა EFTcheat_მ.
თარიღი: ივნისი 6, 2025.
საათი: 3:30am 0 კომენტარი

In the world of soccer, wherever expertise frequently emerges within the unlikeliest of places, Lamine Yamal stands out for a beacon of prodigious talent and boundless opportunity. The young star has captured the imagination of enthusiasts and pundits alike, with performances that defy his many years. At just 16 a long time aged, Yamal is currently earning waves inside the sport—a testament to his incredible skill and devotion.



Early Lifetime and Background…



გაგრძელება

Qwelly World

free counters

TOP.GE