დიდი დრო არ გავიდა, რაც ხილის გამოთლაზე მოვამზადეთ ერთი პოსტი, სადაც პატარა დანის დახმარებით, ერთი ბიჭი შედევრებს ქმნიდან ხილისგან (იხ. ხილის სკულპტურები), აი დღეს კი მინდა, მხოლოდ ერთ ხილზე ჩავიციკლო, მაგრამ მისი გულისგან შექმნილი საოცრებები გაჩვენოთ.

      ჩვეულებრივი ხის გამუშავებისგან განსხვავებით, ავოკადოს დამუშავება უფრო რთულია, მუდამჟამ სურნელოვანი და უფრო საინტერესოც, და როგორც ჩანს არც ისე იაფღირებული, რადგან ამ ნამუშევრების ყველაზე მინიმალური ფასი 80 ევროა.

      რასაც ქვემოთ ნახავთ, ყველა მათგანი დამზადებულია ავოკადოს კურკისგან (თავად ავტორი, ავოკადოს ქვასაც უწოდებს) და ლაითმოტივად გასდევს სკანდინავიური, წვერმოშვებული, ვიკინგური სახეები (მართალია ის ამბობს, რომ უბრალოდ მეტყევეები და ბაბუები დავხატეო, მაგრამ გრძნობა რაც დამებადა ნახვისას, იმას ვწერ). როგორც იან კემპბელი იხსენებს, ერთ-ერთ ლანჩზე, ავოკადოსგან დამზადებული სალათა მიირთვა (ცნობილი სალათია - გუაკამოლე) და აღფრთოვანდა. პირველად მაშინ დაფიქრდა - ნეტავ, რას უშვებიან ამ შესანიშნავი მცენარის გულს/კურკას. მთლიანი ავოკადო ნახა, მისი ტექსტურა იმდენად კარგი იყო, რომ გადაწყვიტა, თავისი ტრადიციული მასალა (ხეზე მკვეთელი იყო იქამდე) ავოკადოთი ჩაენაცვლებინა.

      შედეგის შთამბეჭდავობას ქვემოთ ნახავთ:

      და არა მარტო სახეები, სოკოებიც: