ყოველ წელს ყველაზე მეტი ფული დღესასწაულებზე იხარჯება, მაგრამ ამ დღესასწაულებშიც არის გამორჩეულები - ახალი წელი ერთ-ერთი ყველაზე ხარჯიანი დღესასწაულია, რომელსაც ყველა აღნიშნავვს. ბოლო წლებია, საახალწლო ბაზრობები თბილისშიც იმართება, მართალია ჯერ იმ დონის არ არის როგორც დასავლეთში, მაგრამ დრო ყველაფერს მოიტანსო, ნათქვამია. ამ ეტაპზე კი ევროპის დიდი ქალაქები ამაყობენ საკუთარი საახალწლო / საშობაო ბაზრობებით.

ვენის საშობაო სიზმარი

      სიის სათავეში რა თქმა უნდა ავსტრია და ვენაა. კლასიკის სამშობლო თუ კლასიკის აკვანი საახალწლო სამზადისშიც კლასიკოსია.

      ვენის მთავარი ქუჩა ვენის საშობაო სიზმრად „Wiener Weihnachtstraum“ გადაიქცევა ხოლმე. ყურადღების ეპიცენტრში კი მეცხრამეტე საუკუნის ნეო-გოთური სტილის ტაძარი ექცევა.

ჩეხეთის საახალწლო ბაზრობა

      პრაღის საახალწლო ბაზრობა ძველი ქალაქის მთავარ მეოდანზე ამ დღის სასწაულად ქცევის ერთ-ერთი მთავარი ატრიბუტია, რომელსაც ყოველწლიურად ათიათასობით ტურისტი სტუმრობს.

      ჩეხური საახალწლო ბაზრობებისთვის დამახასიათებელია ბევრი გამომცხვარი ცხვრები, ლამები და სხვა ცხოველები.

სტრასბურგის ბაზრობა

      მართალია ჩვენს კულტურაში სტრასბურგი მხოლოდ სასამართლო პროცესებთან ასოცირდება, მაგრამ ძველ ისტორიულ ქალაქს საახალწლო განწყობაც ისტორიული აქვს.

      ქალაქის მთავარი კათედრალი საახალწლო დღესასწაულის მთავარი მოზეიმე ადგილია.

გერმანული საახალწლო საყიდლები

      კიოლნი ძველი მიწაა, მაგრამ გასულ საუკუნეშია ქალაქად სახელდებული და ამ ერთ საუკუნეში ის კი მოახერხა, რომ გერმანიის საახალწლო ბაზრობის ცენტრად იქცა.

თოვლიანი ჩრდილოეთის ბაზრობა

      ბოლოსკენ შემოვინახე უკიდურესი ჩრდილოეთი, ძალიან ცივი და ქარიანი, საახალწლოდაც უფრო მეტი თოვლით და თბილი ქურქებით გამოიყურება.

      ტალინი სადღესასწაულო ბაზრობას ტრადიციულად სიქათქათით მასპინძლობს ხოლმე.