და აგვისტოს ამბების გახსენებამაც კულმინაციას სწორედ დღეს და გუშინ მიაღწია - რუსეთის ოკუპანტობის საღამოები გაიმართა და გმირებისადმი პატივის მიგების ცერემონიები. დღეს უკვე გვარამიასთვის ბრალის წარდგენამ დაიპყრო მედია.

საქართველოს და მსოფლიოს ამბები / 9 აგვისტო, 2019

      აგვისტოს რვიანები და რუსეთი დღემდე - სალომე ზურაბიშვილი - ჩვენ არ ვივიწყებთ მომხდარ ტრაგედიას, მაგრამ ვაგრძელებთ სვლას მომავლისკენ. პრემიერ-მინისტრი 2008 წლის ომში დაღუპული კაპრალის, ვახტანგ გზირიშვილის სულის მოსახსენიებელ პანაშვიდს დაესწრო. გორში 2008 წლის დაღუპულ გმირებს პატივი მიაგეს. ვანო მაჭავარიანი - ასეთ ღია, ფართომასშტაბიან აგრესიას არავინ ელოდა, იმიტომ, რომ რუსეთი იმ დიალოგის ნაწილი იყო, რასაც ევროპული უსაფრთხოების არქიტექტურა ჰქვია. მამუკა ბახტაძე - ძალიან ნიჭიერი ახალგაზრდების ინიციატივით გადაღებულია ფილმი შინდისის გმირებზე, რომელიც წარდგენილია პრესტიჟულ კინოფესტივალებზე, მათ შორის „ოსკარზე“. გაეროში საქართველოს ელჩი - რუსეთს ჯერ კიდევ არ აქვს შესრულებული ცეცხლის შეწყვეტის შესახებ შეთანხმება და კვლავ აგრძელებს საერთაშორისო ვალდებულებების დარღვევას. ჯაბა ჯიშკარიანი - რუსეთ-საქართველოს დაპირისპირება 2008 წელს არც დაწყებულა და სამწუხაროდ, არც დასრულებულა. გია ვოლსკი - რუსეთის სტრატეგიულ გეგმას ხელი შეუწყო სააკაშვილის სტრატეგიამ და ერთადერთი შეკითხვა დარჩა - იყო ეს გამიზნული, თუ იყო ეს სავალალო შედეგები. კასპის მუნიციპალიტეტში 2008 წლის ომში დაღუპული გმირები გაიხსენეს. რუსეთის საგარეო საქმეთა სამინისტრო - საქართველომ და დასავლეთმა 2008 წლის აგვისტოს მოვლენებისგან გაკვეთილი ვერ ისწავლეს. ცხინვალის წინააღმდეგ განხორციელებული აგრესია სრულიად არაპროვოცირებული იყო. აშშ-ის სახელმწიფო დეპარტამენტი - ჩვენ არ შევწყვეტთ მუშაობას, სანამ რუსეთი არ შეწყვეტს საქართველოს სუვერენული ტერიტორიის ოკუპაციას. აშშ-ში, რუმინეთში, ნორვეგიაში, ნიდერლანდებში, ლატვიასა და ეგვიპტეში საქართველოს საელჩოებმა 2008 წლის ომის მე-11 წლისთავისადმი მიძღვნილ ღონისძიებებს უმასპინძლეს. რუსეთის თავდაცვის სამინისტრო - 8 აგვისტოს ამერიკული საზღვაო ხომალდი შავ ზღვაში შევიდა. ადგილობრივების განცხადებით, გუგუტიანთკართან საოკუპაციო ძალები ორი დღეა არ გამოჩენილან, თუმცა მათ მიერ განთავსებულ ლითონის ბოძებზე მავთულხლართების გავლებას არ გამორიცხავენ. პაატა ზაქარეიშვილი - დოყლაპია ხელისუფლება შეშინებულია, პრორუსულობა არ დაგვაბრალონ, იარლიყი არ ჩამოგვკიდონო და საერთოდ გაანებეს თავი კონფლიქტების მოგვარებას. ლევან ბოძაშვილი - სააკაშვილი რომ ამბობს, ვერ გავთვალე პუტინიო, ვკითხოთ, ჰქონდა თუ არა ცხინვალში რუსების მოძრაობაზე სამხედრო-სადაზვერვო მონაცემები და თუ ჰქონდა, რა ვერ გათვალა?

      ძველი საქმეების ძიება - ადვოკატი - დარწმუნებული ვარ, „თიბისი ბანკის“ საქმეში ვახტანგ წერეთლის სისხლის სამართლებრივი პასუხისმგებლობის საკითხი საქმეში ვერ დადგება. პროკურორი - ვახტანგ წერეთელმა ჩვენს შეკითხვებზე ძირითადად პასუხი გასცა, რომ „არ ახსოვს“. ვახტანგ წერეთელი - 11 წლის წინანდელი ტრანზაქციის საქმეს არც მომჩივანი ჰყავს და არც დაზარალებული, ამიტომ ეს აჩენს ძალიან დიდ ეჭვს.

      მიშას მსჯავრი - ვალერი გელაშვილზე განხორციელებული თავდასხმის ფაქტზე მიხეილ სააკაშვილის მიმართ გამამტყუნებელი განაჩენი უზენაესმა სასამართლომ ძალაში დატოვა.

      უკულტურობა სტადიონზე - სანქციები დინამოს - უეფამ თბილისის „დინამოს“ სანქციები დაუწესა და კლუბი „ფეინოორდთან“ საპასუხო მატჩს ცარიელ სტადიონზე ჩაატარებს. უეფას ცნობით, სანქციების მიზეზი აზერბაიჯანული "გაბალასთან" მატჩისას „დინამოს“ გულშემატკივრების მხრიდან რასისტული შეძახილებია. "დინამოს" უეფას გადაწყვეტილების გასაჩივრების უფლება აქვს და ამ უფლებას გამოიყენებს კიდეც - გაასაჩივრებს.

      ბუქობანა განათლებაში - მიხეილ ბატიაშვილი - სექტემბერში სკოლებში ახალი ბუქები შევა, რომელიც ფაქტობრივად ბუქები აღარ არის და ლამის, სრულყოფილი კომპიუტერია. საქართველო დღეს არის ერთიანი ევროპული უმაღლესი განათლების სივრცის ნაწილი. ძალიან მალე ქართული ენა ინტეგრირდება Microsoft-ის ხელოვნური ინტელექტის პლატფორმებზე. Microsoft-ის ექსპერტი განათლების საკითხებში - ვმუშაობთ ქართული განათლების სისტემის აქამდე არნახულ ინოვაციურ ცვლილებაზე. 6 თვის განმავლობაში პრემიებზე ყველაზე მეტი ფული განათლების სამინისტრომ დახარჯა. ახალი სასწავლო წლიდან პირველკლასელები საჩუქრად განახლებულ და გაძლიერებულ „ნეთბუქებს“ მიიღებენ. განათლების სამინისტრო - 2019 წელს პრემია სამინისტროს არც ერთ თანამშრომელზე არ გაცემულა.

      გარეჯის ამბავზედ - არქიმანდრიტი კირიონი - როცა ცამდე მართალი ხარ და ვერაფერს აღწევ, მაშინ ხელისუფლება არ ხარ და წასასვლელი ხარ სახლში. დავით გარეჯში ვითარება კვლავ უცვლელია, ხოლო საგარეო უწყებაში საპასუხოდ კონკრეტულს ვერაფერს ამბობენ, სტანდარტული პასუხი აქვთ, რომ „მუშაობენ და დღედაღამ მარტო ამაზე ფიქრობენ, სხვა საფიქრალი არ აქვთ.“ „ვითარება ისეთია, როგორიც იყო. რაც 3 კვირის წინ დაიწყო, იგივე სიტუაციაა. აზერბაიჯანელები დგანან, თხემს მთლიანად იკავებენ, ჩვენი მხარე საერთოდ თხემის წვერზე ვერ მიდის, ვერც მომლოცველი, ვერც ტურისტი, ვერც ჩვენ მამაოები და ვერც ჩვენი მესაზღვრეები. ფაქტობრივად, ოკუპირებულია ტერიტორია აზერბაიჯანელების მიერ.

      ხელმოწერის ექსპერტიზა - ოქრუაშვილის ადვოკატი - ხალვაშის ხელმოწერის ნამდვილობის დასადასტურებლად მოვითხოვთ განმეორებით ექსპერტიზას, ოღონდ საზღვარგარეთ.

      ხმაურიანი გვარამიას ხმაურიანი ბრალი - გამოტანილია დადგენილება ნიკა გვარამიას ბრალდების შესახებ, საქართველოს სსკ-ის 220-ე მუხლით გათვალისწინებული დანაშაულის ჩადენისათვის, რაც გულისხმობს საწარმოში ხელმძღვანელობითი და წარმომადგენლობითი უფლებამოსილების გამოყენებას ამ ორგანიზაციის კანონიერი ინტერესის საწინააღმდეგოდ, სხვისთვის გამორჩენის მიღების მიზნით, რამაც მნიშვნელოვანი ზიანი გამოიწვია. გენერალური პროკურატურა - ნიკა გვარამიას მიერ უფლებამოსილების ბოროტად გამოყენებით „რუსთავი 2“-მა ვერ მიიღო 6 763 510 ლარი, რითაც მას დიდი ოდენობით ზიანი მიადგა. ნიკა გვარამია - მთლად ასეთ სამარცხვინობას ნამდვილად არ ველოდი, - ახლა ჩემ პასუხს დაელოდეთ. ნიკა გვარამია - ბინების მოპარვის ბრალდებას, კორუფციის ბრალდებას ივანიშვილს არ ვაპატიებ! უკვე საღამო ხანს, ნიკა გვარამია პროკურატურაში მივიდა. პაატა სალია - „რუსთავი 2“-ში ძალიან ცუდი სიტუაცია დაგვხვდა, მილიონობით ზარალია, არის ბევრი გაურკვეველი საკითხი. გია ხუხაშვილი - გვარამიას ანგელოზად არ ვთვლი, მაგრამ სისტემა დარჩა იგივე - წინა ხელისუფლება შეურაცხყოფაზე ცემდა, დღევანდელი - არ ცემს, მაგრამ იჭერს. დავით ბაქრაძე ნიკა გვარამიასთვის ბრალის წარდგენაზე - ხელისუფლება შევიდა ბოლო ფაზაში, როდესაც მიაჩნია, რომ რეპრესიებით და ე.წ. მტკიცე ხელის პოლიტიკით შეძლებს ძალაუფლების შენარჩუნებას. რომან გოცირიძე - ხელისუფლების რეპრესიებმა ყველა საზღვარი გადალახა, უკვე გონიერების ფარგლებს გასცდა. გია ვოლსკი - ნიკა გვარამიას შესახებ ოპონენტების განცხადებები ყოველთვის შეიცავს პოლიტიკურ ბრალდებებს, მაგრამ იშვიათად საუბრობენ ბრალის კონკრეტულ შემადგენლობაზე. ნიკა გვარამია პროკურატურას - არ გადავიხდი არანაირ გირაოს, არანაირი შინაპატიმრობა, არ დავემორჩილები თქვენს აღკვეთის ღონისძიებას, დავარღვევ ყველაფერს. მე წავალ პოლიტიკაშიც, წავალ საზოგადოებრივ მოძრაობებშიც, ყველგან, სადაც ბიძინა ივანიშვილის დასამარება მიმდინარეობს. ნიკა გვარამიამ პროკურატურიდან გამოსვლის შემდეგ ბრალის დადგენილება დახია. მიხეილ ბენიძე გვარამიაზე - ჩნდება კითხვის ნიშნები, საქმე სამართლებრივ პროცესებთან გვაქვს, თუ ადგილი აქვს პოლიტიკური მოტივით არსებულ პროცესებს. ჩვენ როგორც ტელეკომპანია „რუსთავის 2-ს“ წილების უმრავლესობის მესაკუთრეები ვაცხადებთ, რომ წლების განმავლობაში „რუსთავი 2-ს“ წარმატება ნიკა გვარამიასთან იყო დაკავშირებული. ნიკა გვარამიას საქმიანობის შედეგად გაიზარდა კომპანიის შესაძლებლობები, მრავალფეროვანი გახდა სამაუწყებლო ბადე. „რუსთავი 2“ იქცა მასშტაბურ მაუწყებლად, სადაც ათასამდე ადამიანია დასაქმებული. ერთადერთი, რამაც ზიანი მიაყენა კომპანიას, ეს არის ივანიშვილის აგრესიული პოლიტიკა და რეჟიმის მიერ მართული სასამართლოს უკანონო გადაწყვეტილებები, მათ შორის ყადაღა და თანმდევი შეზღუდვები. ამან სერიოზული ფინანსური დანაკარგი გამოიწვია. ამის შედეგად ტელეკომპანიის არაორდინალურ პირობებში უწევდა საქმიანობა. ამ ვითარებაშიც ნიკა გვარამიამ სრულფასოვანი მაუწყებლობისთვის შესაბამისი პირობების შექმნა მოახერხა.

      ექსპრეზიდენტის რამდენიმე შეფასება - გიორგი მარგველაშვილი - ჩვენ მივდივართ ავტორიტარული სახელმწიფოსკენ. ბიძინა ივანიშვილი გამოვიდა და დაგვპირდა, რომ ერთ წელიწადში ყველაფერს დაალაგებდა და ჩვენ ვნახეთ ამ დალაგების ძალიან აქტიური ზაფხული. ახლა, ჩემი აზრით, კიდევ უფრო იძაბება სიტუაცია იმიტომ, რომ ის ხალხი, ვინც პოლიტიკურ პროცესს ასე წარმართავს, ძალიან დიდი რისკის წინაშე აყენებს ქვეყანას და საკუთარ თავს. „ოცნების“ ამ გუნდის ლიდერები ან "ნაციონალურ მოძრაობაში" წინა ხელისუფლების დროს მუშაობდნენ, ან იმათთან ერთად ბიზნესს აკეთებდნენ, ან იმათ აფინანსებდნენ. ძალიან იმედგაცრუებულს ძალიან დიდი იმედი მომეცა 20 და 21 ივნისის შემდეგ.

      მსუყე პრემიები - 6 თვეში, საჯარო მოხელეების ხელფასებზე, პრემიებსა და დანამატებზე 735.3 მილიონი ლარი დაიხარჯა, რაც 47.5 მლნ-ით მეტია შარშანდელ მაჩვენებელზე.

საზღვარგარეთულები:

      მეომარი პრეზიდენტი - ყირგიზეთის ექსპრეზიდენტი ატამბაევი სპეცრაზმმა მესამე ცდაზე დააპატიმრა. ყირგიზეთის დაკავებულ ექსპრეზიდენტს, ალმაზბეკ ატამბაევს კორუფციის ბრალდება წაუყენეს.

      ვინ წერს ინტერვიუებს?! - მიხეილ სააკაშვილი - საქართველოსთვის MAP-ის მინიჭების დეკემბრამდე გადადებაზე დათანხმებით, გერმანელებმა რუსებს მწვანე შუქი აუნთეს.

      პუტინის ოპოზიცია - რუსეთის ხელისუფლებამ ალექსეი ნავალნის საბანკო ანგარიშები გაუყინა.

      კურსით უკმაყოფილება - დონალდ ტრამპი დოლარის მყარი კურსით უკმაყოფილოა.

      ბუნების ძალა - ჩინეთის აღმოსავლეთ სანაპიროს ტაიფუნი „ლეკიმა“ უახლოვდება.