კორონავირუსმა ბევრი დრო გამოგვიჩინა, ეს დრო სახლში უნდა გავატაროთ - სახლში ჯდომამ კი სახლის დალაგება, ძველი და მივიწყებული ნივთების აღმოჩენა, გაცოცხლება ან სანაგვეზე მოსროლა დააყენა დღის წესრიგში. თითქოს იწინასწარმეტყველაო ჩვენმა დღევანდელმა მასპინძელმა ხელოვანმა, როდესაც წლების წინ წამოიწყო ყველაზე დროტევადი და ნერვმსუბუქი საქმიანობა - ქსოვა. შვედეთში მოღვაწე ხელოვანმა ულა სტინა-ვიკანდერმა (Ulla Stina-Wikander) ძველი ნივთები, რომლებიც გადასაყრელად იყო განწირული, საკუჭნაოდან მისაღებში გადმოიტანა და ადგილს და გარემოს რომ ვერ მოარგო, გადაწყვიტა გაეახლებინა. არც შეაკეთა და არც გამოსადეგი გახადა - უბრალოდ აიღო საქსოვი ჩხირები და შემოუქსოვა. იდეა საკმაოდ ლამაზი და ორიგინალურია. ადგილი თუ გაქვთ სახლში - ნუ გადაყრით, მოაქსოვეთ!