საჩუქრის არჩევა ყოველთვის დიდი პრობლემაა - რაც არ უნდა ახლობელი და საყვარელი ადამიანი იყოს, მაინც ჭირს ზუსტად განსაზღვრო საჩუქრისადმი მისი ინტერესი და ჩუქებისას სიხარული. ამასთანავე საჩუქრის პრაქტიკულობაც მნიშვნელოვანია. ბოლო წლებია, ამ ყველა პუნქტს აკმაყოფილებს ჭიქები, ფინჯანები, რომლებსაც ადრე თუ სავიტრინე დანიშნულება ჰქონდათ, ახლა უფრო პრაქტიკულნი გახდნენ - ფოტოები ჭიქებზე, ფუნჯით შესრულებული ნამუშევრები, სხვადასხვა ფორმები და მოზაიკები. გაგახსენებთ ჩვენს ორ სტატიას - კერამიკული ბუნება და სკულპტურული ჭურჭელი. ამ ორ სტატიაშიც მსგავსი ამბავი გვაქვს გადმოცემული. დღევანდელი ჩვენი მასპინძელია ხელოვანი, თვითნასწავლი სკულპტორი ბრუკ კნიპა (Brooke Knippa), რომელმაც ჩვეულებივი ჭიქები განსაკუთებული გახადა. მისი ფინჯანი არა მხოლოდ ლამაზია, არამედ საყვარელიც, რადგან მან ჭიქის გულში პატარა ცხოველები ჩასვა - ზოგიერთი ლიტერატურიდან, ზოგიერთი საკუთარი ფანტაზიებიდან და შედეგი მართლაც შთამბეჭდავი გამოვიდა.

      რომელ ჭიქას იქონიებდი? (თუ იყოლიებდით?)