იაპონური ფერწერა, ნახატები, ხელოვნების ნამუშევრები ყოველთვის მიზიდავდა, როგორც ძალიან მშვიდი და სათუთი. ისეთი ნაზი და ჰაეროვანი, რომ შემიძლია დაუსრულებლად ვუცქირო და წამოსულმა ემოციამ, მხოლოდ სიმშვიდედ დაისადგუროს ჩემში.

      აქ არ არის ვან გოგის მღელვარება ან პიკასოს გაურკვევლობა, მეტიც - ჩარლს კონდერი ხომ სიმშვიდის გამოხატულებაა, ისიც კი თავისებურად ვნებიან სიმშვიდეს იწვევს ჩემში, განსხვავებით იაპონური მხატვრობისგან - აქ მხოლოდ სინაზე, სისპეტაკე, უდიდესი სისადავე, სიტურფე და მოკლედ, ყველაფერი რაც ნაზსა და ჰაეროვანს მიესატყვისება, ყველაფერი აქვთ. მისამსგავსებლად, მხოლოდ ჩინური მხატვრობა მესახება.

      წარმოდგენილი ნამუშევრები კონგრესის ბიბლითეკიდანაა და მეცხრამეტე საუკუნით თარიღდება. ყველა მათგანი, 1900 წლამდეა შექმნილი. კიდევ ერთი დეტალი - ნამუშევრები შესრულებულია ხეზე, ხის თხელ ფირფიტებზე.