დღის სიახლები ჯერ ავთენტურობადაუდგენელი კადრებით იყო გაჯერებული და მის გარშემო საუბრებით. დაუდგენელ ფაქტებზე მსჯელობა უფრო მეტ დროსა და ენერგიას ახარჯინებს ხალხს, ვიდრე ფაქტის დადგენა. ამას გარდა აქტუალური იყო აწ უკვე შემოღებული ტაქსები ლიცენზირება, მერაბიშვილის ავადმყოფობა და რა თქმა უნდა არჩევნები 2018.

საქართველოს და მსოფლიოს ამბები / 2 ოქტომბერი, 2018 /

      ჩანაწერები ყველა არჩევნებზე - ლევან ყიფიანი - „ვაგინე... როცა გინდა პროკურორი ხარ, როცა გინდა ძველი ბიჭი, ეგრე აღარ ხდება". „იბერიის“ თანამშრომლები ფინანსთა სამინისტროსთან აქციას გამართავენ. ადა მარშანია - თუ სიმართლეა ის, რასაც „ომეგა ჯგუფთან“ დაკავშირებით გავრცელებულ ჩანაწერებში ვისმენთ, ეს არის კატასტროფა ხელისუფლებისთვის და ქვეყნისთვის. „ომეგა ჯგუფის“ გენერალური მენეჯერი - ფინანსთა სამინისტროს მიერ ფაქტის განზრახ არასწორი ინტერპრეტაცია, ჩვენს მიზანმიმართულ დისკრედიტაციას ემსახურება. სულხან სალაძე „ომეგა ჯგუფის“ საქმეზე - ნაკლებად გვაქვს მოლოდინი, რომ ამ საქმეს პროკურატურა ბოლომდე მიიყვანს. რომან კაკულია „ომეგა ჯგუფთან“ დაკავშირებულ ფარულ ჩანაწერებზე - მთავარია, რომ კითხვებს პასუხი გაეცეს. ფინანსთა სამინისტროსთან „იბერიასა“ და „ომეგა ჯგუფის“ თანამშრომლების საპროტესტო აქცია მიმდინარეობდა და ფინანსთა მინისტრთან შეხვედრას ითხოვდნენ.

      შესაძლო გაყინვის აქცია - ზაზა სარალიძე - კარვის ჩამორთმევასთან დაკავშირებული საკითხის განხილვა 31 ოქტომბრამდე გადაიდო, ჩვენ თუ კარავი და ლეიბი არ გვექნა, გავიყინებით.

      ცქიტიშვილის ეფექტური მართვა - მაია ცქიტიშვილმა ეფექტიანი მმართველობისთვის სტრუქტურული ცვლილებების შესახებ პრეზენტაცია წარადგინა. მაია ცქიტიშვილი - ფისკალურ დეცენტრალიზაციაზე ვმუშაობთ, რაც გულისხმობს რეგიონებზე ცენტრალური ბიუჯეტიდან გამოყოფილი თანხების გადანაწილების ახალ პრინციპებს.

      პატიოსნება და სამედიცინო ნარკომანია - თამთა თვალავაძე - ეს არის შემთხვევა, როდესაც ხელისუფლების და ოპოზიციის წარმომადგენლები ამბობენ, რომ გია თვალავაძე არის პატიოსანი ადამიანი და მხოლოდ კარგ საქმეს აკეთებდა.

      არაფორმალური დიალოგები - პრაღაში, ქართულ-რუსული არაფორმალური დიალოგის ფარგლებში, ზურაბ აბაშიძისა და გრიგორი კარასინის მორიგი შეხვედრა გაიმართა.

      გზა კლინიკა-მატროსოვი - ვანო მერაბიშვილი ე.წ. მატროსოვის ციხიდან ისევ კლინიკაში გადაიყვანეს. ადვოკატი - სპეციალური პენიტენციური სამსახური ვანო მერაბიშვილის დიაგნოზს მალავს ან გარკვეულ ფალსიფიცირებას აქვს ადგილი. ადვოკატი - სრული აბსურდია, თითქოს ვანო მერაბიშვილმა თავად განაცხადა, რომ თავს უკეთ გრძნობს.

      განთქმული მეცნიერება - პრემიერი - საქართველოს დიდი სამეცნიერო ტრადიციები აქვს და ნადვილად შეუძლია, იამაყოს თავისი სახელოვანი, მსოფლიოში განთქმული მეცნიერებით.

      არჩევნებთან უფრო ახლოს - დავით ბაქრაძე მხარდამჭერებს სამეგრელოში ხვდება. ფილტრები და უფილტრობა - გია ხუხაშვილი - ფილტრი ვიყავით მე, დათო უსუფაშვილი და ფილტრი როგორც კი მოიხსნა, ამ ადამიანებმა, რომელთა ამოცანაც ამ ფილტრის მოხსნა იყო, დაიწყეს ის, რასაც ვხედავთ. „ძალა ერთობაშია“ - დედაქალაქის ქუჩებში სავარაუდოდ, სუს-ის თანამშრომლები წუხელ უკანონო სააგიტაციო მასალებს აკრავდნენ. გიგი უგულავა - დავით ბაქრაძე პრეზიდენტობის კანდიდატებს შორის ყველაზე მეტად არის მზად გაარღვიოს მოჯადოებული წრე. სალომე ზურაბიშვილი - სწორედ იმიტომ, რომ დაბადებული ვარ საფრანგეთში, შეიძლება უფრო კარგად მესმის, თუ რას ნიშნავს მოქალაქეობა.

      სამართლებრივად დაუცველი შრომა - საია - კვლევამ აჩვენა, რომ საქართველოში სექს მუშაკი ქალებისთვის სამართლებრივი დაცვის საშუალებები ხელმისაწვდომი არაა.

      დაუდგნელი ფალსიფიკაცია - სურსათის ეროვნული სააგენტო - დასავლეთ საქართველოში ფალსიფიცირებული ქიმიკატების რეალიზაციის ფაქტი არ გამოვლენილა.

      მოძრავი, მობილური პარლამენტი - სლოგანით „დატოვე პარლამენტი ქუთაისში" სოციალური კამპანია იწყება.

      დაპარკინგებული ტაქსტები - ტაქსებისთვის 60-მდე ლოკაციაზე საპარკინგე ადგილები უფასოდ გამოიყოფა. ბექა დავითულიანი - მძღოლების არჩევანია, შემოსავლებს თავად მიიღებენ ტაქსებზე განთავსებული რეკლამიდან, თუ სარეკლამო ვალდებულების ნაცვლად, მანქანებს კომპანია გადაღებავს და გააკეთებს ქიმწმენდას. ლევან ხაბეიშვილი - დედაქალაქის მერი ბოდავს - რომელი კომპანია გადაიხდის 20-30 მილიონს ტაქსზე “მიტყეპებულ” რეკლამაში? გიორგი ბეგაძე - რეფორმების განხორციელებაში დედაქალაქის მერი საზოგადოების ფართო მხარდაჭერას იმსახურებს. ლევან ხაბეიშვილი უმრავლესობას - ხალხს დაპირდით, რომ პარკირების პრობლემას მოაგვარებდით, მაგრამ ჰოი, საოცრებავ, პარკინგი ორჯერ-სამჯერ გაუძვირდებათ. გიორგი ტყემალაძე - ტაქსების რეგულაციებზე მერის ინიციატივა ეფექტიანი, სწორი, რეალური და განხორციელებადია. რევაზ სოხაძე - მალე თბილისში გვეყოლება ტაქსები, რომლითაც გადაადგილება იქნება უსაფრთხო და კომფორტული.

      ქუთაისური დახვედრა - ახალი ტერმინალის დასრულების შემდეგ, ქუთაისს 4-სართულიანი საერთაშორისო აეროპორტი ექნება.

      დადგენილი თბილისობა - „თბილისობა 2018“ 6 და 7 ოქტომბერს გაიმართება.

საზღვარგარეთულები:

      ნობელიანტი ფიზიკოსები - ნობელის პრემიის ლაურეატები ფიზიკის დარგში ამერიკელი ართურ აშკინი, ფრანგი ჟერარ მურუ და კანადელი დონა სტრიკლენდი გახდნენ.

      ტრამპინიუსი - ტრამპი - დემოკრატიული პარტია დამნაშავეების პარტიაა, ისინი ფიქრობენ, რომ ხელისუფლებაში მოსვლის უფლება აქვთ, მაგრამ უბრალოდ შეშლილები არიან.

      მსგავსების არ ქონა - ტერეზა მეი დიდი ბრიტანეთის საგარეო საქმეთა მინისტრს - ვერ დაგეთანხმებით, ევროკავშირი საბჭოთა კავშირს არ ჰგავს.