ესთეტიკის კიდევ ერთი მწვერვალი - ცეკვა! განსაკუთრებით სასიამოვნო და აღმფართოვანებელი და მსოფლიო ცეკვებს შორის ყველაზე სათუთი - ბალეტი. რა ხდება მაშინ, როდესაც მოფარფატე ბალერინების თუ ბალერონების ცხოვრებაში კამერა გამოჩნდება? ფოტოგრაფიის ესთეტიკა ჯომოლუნგმასკენ მიიწევს. ჯეიკობ ჯონასის (Jacob Jonas) კომპანია სწორედ ამ გზას არის შემდგარი. კამერები და მოცეკვავეები (#CamerasAndDancers), არის ყოველთვიური კამპანია, რომელიც მიზნად ისახავს, ფოტოგრაფები შეკრიბოს და მოცეკვავეთა ცხოვრებიდან სპონტანური კადრების მთელი კოლექცია შეიქმნას. ალბომები სხვადასხვა თემატიკასა და მიმართულებით იქმნება და შთაბეჭდილების ოკეანე გეღვრებათ თავზე. აღარაფერს ვამბობ იმ წარმატებაზე, რომელიც ამ ფოტოსერიებმა სოციალურ ქსელებში მიაღწიეს.

      დღევანდელი პოსტისთვის, რამდენიმე რჩეული ფოტო მინდა წარმოგიდგინოთ:

კამერები და მოცეკვავეები