"უდიდესი და უმტკიცესი მეგობრობა, როგორც ჩანს, ერთმანეთით აღფრთოვანებას ეფუძნება. სწორედ ეს არის ის უმთავრესი განცდა, რომელიც ორ ადამიანს დიდი ხნით აკავშირებს. ამა თუ იმ ადამიანს იმის გამო ეთაყვანები, რასაც ცხოვრებაში აკეთებს, ვინც არის და რასაც წარმოადგენს. იმის გამო, თუ როგორ მიაბიჯებს საკუთარ გზაზე ამ სამყაროში. ეს აღტაცება მას ძალას მატებს, აკეთილშობილებს, ისეთ სტატუსამდე აღამაღლებს, რომელსაც შენი წარმოდგენით ჯერ თავად ვერ შეწვდი. და თუ ეს ადამიანი თითონაც ასეთი აღფრთოვანებით გპასუხობს - მაშასდამე, თავადაც გაძლიერებს, გაკეთილშობილებს, საკუთარ თავზე მაღლა გაყენებს - მაშინ თქვენს შორის მეგობრობა სრული თანასწორობის განცდას ემყარება. ორივენი უფრო მეტს გასცემთ, ვიდრე იღებთ ერთმანეთისგან, მაგრამ ამავე დროს მეგობრისგან იმაზე მეტს იღებთ, ვიდრე თავად შეგიძლიათ გაღება და ამ ურთიერთგაცვლაში თქვენი მეგობრობა სულ უფრო მეტად იფურჩქნება"

"აქ და ახლა: წერილები" / პოლ ოსტერი, ჯ. მ. კუტზეე /