ისრაელის დაზვერვა "შაბაკი" ავალდებულებს ებრაელებს ხშირად დაესხან თავს ალ-აქსას მეჩეთს, რათა ამგვარი გზით გაამყაროს თავისი მყოფობა ტაძრის მთაზე. ამის შესახებ განაცხადა ისლამის მემკვიდრეობის დაცვის "ალ-აქსას" ფონდმა, რომელსაც ხელში ჩაუვარდა ვიდეო ამასწინანდელი კონფერენციისა თემაზე "ტაძრის მთა ჩვენს ხელშია", რომელიც ორგანიზებული იყო ე. წ. "მენაჰემ ბეგინის მემკვიდრეობის ცენტრის" მიერ.

  როგორც Palinfo.com-ი იუწყება, ხსენებულ კონფერენციაში მონაწილეობას ღებულობდნენ ისრაელის ცნობილი სიონისტი მოღვაწენი. მათ გამოთქვეს შეხედულება, რომლის მიხედვითაც უნდა შეიქმნას პირობა იუდეველთა რეგულარული მოლოცვებისა ალ-აქსას მეჩეთში.

  გუშისა და ციონის დასახლებათა სინაგოგების მეთაურმა, რაბინმა იაკობ მიდანმა შეკრებილებს მოუთხრო თავის შეხვედრაზე "შაბაკის" მეთაურთან, რომელმაც მოითხოვა გაეხშირებინათ თავდასხმები ალ-აქსაზე, ასევე ხელისუფლების გეგმებზე, რომელიც აპირებს მეჩეთის აღმოსავლეთ ნაწილში იუდაური ტაძრის ნაწილის აშენებას.

   "მე მიწვეულ ვიყავი "შაბაკის" ხელმძღვანელთან, რომელმაც კარგად გამკიცხა და მითხრა "ჩვენ მოგეცით შესაძლებლობა ასულიყავით ტაძრის მთაზე. რატომ არ დადიან იქ ებრაელები? სხვაგვარად ტაძრის მთის გაკონტროლებას ვერანაირად მოვახერხებთ". ხოლო "შაბაკის" ებრაელთა საქმეების განყოფილების ხელმძღვანელმა ორი თვის წინათ მაუწყა, რომ მთელი თავისი ოჯახით და მეგობრებით აპირებს ასვლას ტაძრის მთაზე", - თქვა იაკობ მიდანმა.

  სიონისტური ორგანიზაციის მთავარი რაბინობის კანდიდატმა დავიდ სტავმა განაცხადა, რომ "ისრაელის ხალხი ოცნებობს მესამე ტაძარზე და ყველა მისი ლოცვა აახლოებს ამ დღის მოსვლას".

   თავის მხრივ, სიონისტური უზენაესი სასამართლოს ყოფილმა მოსამართლემ დალია დორნარმა განაცხადა, რომ ებრაელებს გააჩნიათ უფლება ილოცონ ალ-აქსას ტერიტორიაზე. თავისი ლოგკა მან იმითი ახსნა, რომ მუსლიმებს არ ეკრძალებათ ასვლა "ტაძრის მთაზე".

   აღვნიშნავთ, რომ რადიკალური იუდეველები ადგილს, სადაც ალ-აქსას მეჩეთი მდებარეობს, "ტაძრის მთას" უწოდებენ და მასზე "მესამე ტაძრის" აშენებაზე ოცნებობენ. ალ-აქსას მეჩეთზე რეგულარულად ხორციელდება ებრაელ მოსახლეთა თავდასხმები, რომელთაც ისრაელის სამხედროები იცავენ.

  ამასთან, ებრაელებს გააჩნიათ მეჩეთების დაპყრობისა და იქ სინაგოგების მოწყობის გამოცდილება. ასე მაგალითად, 1994 წელს, ქებრონში, წინასწარმეტყველ იბრაჰიმის (აბრაამი) მეჩეთში მოწყობილი ხოცვა-ჟლეტის შემდეგ ებრაელებმა ის დაიპყრეს და სინაგოგად გადააკეთეს. 

   მშენებლობის მინისტრი ური არიელი ("ებრაული სახლი") გამოვიდა მოწოდებით "აღადგინონ ებრაული ტაძარი" იერუსალემის ტაძრის მთაზე. როგორც გაზეთი "მაარივი" იწუყება შილოს რაიონის არქეოლოგიურ კონფერენციაზე გამოსვლისას, მინისტრმა თქვა: "ჩვენ მრავალი პატარა ტაძრუკები ავაშენეთ, არადა საჭიროა ნამდვილი ტაძარი ავაშენოთ ტაძრის მთაზე".

   ჟურნალისტები აღნიშნავენ, რომ ური არიელმა დაარღვია დიდი ხნის წინანდელი ტაბუ: მრავალი წლის განმავლობაში ებრაელი მინისტრები იერუსალემის წმიდა ადგილთა "სტატუს-კვო"-ს შეცვლისკენ არავის მოუწოდებდნენ. მოწოდებები მესამე ტაძრის მშენებლობისკენ დღემდე მარგინალურად მიიჩნეოდა თვით მემარჯვენეთა შორისაც კი.

   ტაძრის მთაზე ახლა ლოცვის უფლება მხოლოდ მუსლიმებს გააჩნიათ, რადგან ეს ადგილი ისლამის ერთ-ერთ უმთავრეს სიწმიდედ მიიჩნევა. ებრაელებს შეუძლიათ ტაძრის მთას ეწვიონ სხვა ტურისტებთან ერთად, მაგრამ იქ ლოცვა მათ ეკრძალებათ, და პოლიცია დრო-და-დრო აღკვეთს ამგვარ მცდელობებს.

  გასულ წელს რელიგიურმა სიონისტმა ზებულონ ორლევმა მოუწოდა ტაძრის მთაზე, ალ-აქსას მეჩეთის ადგილზე აეშენებინათ სოლომონის მესამე ტაძარი, რომ "მილიარდობით მუსლიმი, რა თქმა უნდა, ომს დაიწყებს", - მაგრამ "ეს ყველაფერი გარდამავალი პოლიტიკაა", - იუწყება გამოცემა Times of Israel.