ბუნების მოყვარულ ადამიანებს, ბუნება არა მხოლოდ იქ სეირნობისას ან მათ შესწავლა-დაკვირვებისას ანდა მოფრთხილებისას უყვართ, არამედ, მაშინაც, როდესაც ცდილობენ, ეს ბუნება თავიანთ ქმნილებათა ნაწილად აქციონ. კაცობრიობის ისტორია ხომ ამ შექმნილი სამყაროს, ბუნების ათვისების პროცესია, მაგრამ ახლა კაცობრიობაზე კი არა, ორ ადამიანზე მინდა გესაუბროთ, რომელიც ბუნებას არა იმდენად ითვისებს, რამდენადაც ესტეთიკასა და ხელოვნებაში, ბუნების ქმნილებები შემოაქვს საღებავების, მუყაოს და მაკრატლის დახმარებით.

      რასაც ქვემოთ ნახავთ, შესაძლოა იფიქროთ ფიტულებიაო, ან გაყინული და ისე შენახულიო, მაგრამ არა - ყველაფერი, ენ ვუდის (Ann Wood) და დეან ლაქერის (Dean Lucker) ხელებითაა შექმნილი. 1987 წელს, მათ დააფუძნეს სტუდია - ვუდლაკერი (Woodlucker) და იმ დღიდან მოყოლებული, ხელოვნების ამ მიმართულების ერთ-ერთ ეტალონებად იქცნენ.

ვუდლაქერის შემოთავაზებული ბუნება