ქართველებს სხვა დანარჩენი მსოფლიოსაგან განსხვავებით ორი ახალი წელი გვაქვს;

      აქ ჩვენთან შუქნიშანს არავინ უყურებს, არც მძღოლები და არც ქვეითები (მოკლედ საოცრად გულადი ხალხი ვართ);

      ჩვენთან სტუმრობის შესახებ არავინ არავის არ აფრთხილებს, ეს ცუდ ტონად ითვლება;

      აქ ჩვენთან იმის გამო, რომ მეზობლის ძაღლი „წკმუის“ და დაძინებაში ხელს უშლის პატრულს ნამდვილად არავინ არ გამოუძახებს, დამერწმუნეთ;

      ჩვენთან ყოველი ქორწილი იწყება ლხინით და ქეიფით და მთავრდება ჩხუბით და დედის გინებით;

      ჩვენ, ჩვენი ნებით ვირჩევთ თამადას რათა მოვუსმინოთ და სამი, ნუ მაქსიმუმ ხუთი სადღეგრძელოს შემდეგ მას აღარავინ უსმენს;

      თუ განვითარებულ ქვეყნებში ადამიანები 18 წლის ასაკიდან იწყებენ დამოუკიდებლად ცხოვრებას, ჩვენთან ამას დიდი ხნის შემდეგ აღწევენ ან საერთოდ ვერ აღწევენ, ზოგჯერ თვითონაც მშობელი ხდება და მაინც მშობლები ინახავენ, აბა;

      ჩვენი, მოსახლეობის 90% (ვისაც მანქანა ჰყავს)გადაადგილდება საბარგულში ჩადგმული „გაზის ბალონებიანი“ ჯიპებით ან საერთოდ არ გადაადგილდება და სახლში უდგას;

      ჩვენ შეგვიძლია ორი საათი ვიკამათოთ სამარშუტო ტაქსში იმაზე თუ ვინ გადაიხდის ფულს, რათა რომელიმე გამარჯვებულმა სიამაყით უთხრას მეორეს: „ჩადი ძმაო შენი გადახდილია-ო“;

      რასაც კანონი ადამიანის გატაცებას უწოდებს, ჩვენ ამას გოგოს მოტაცებას ვეძახით და ვიცით, რომ ეს საოცრად დიდი სიყვარულით ხდება; (კიდევ კარგი ეს ტენდენცია მოდიდან გადავიდა, თუმცა სამწუხაროდ ასეთი შემთხვევები მაინც ხდება იშვიათად);

      ჩვენთან რიგს არავინ იცავს, ყველაფერი დასწრებაზეა; (დასწრებაზე რა, წინ გადახტომაზე და თუ რამე თქვი, აქეთ გადანაშაულებენ თავხედობაში)

      მაშინ, როცა მსოფლიო გლობალურ დათბობას ებრძვის, ჩვენთან ნახავთ პოლიეთილენის პარკებით მორთულ ხეებს;

      ჩვენთან თუ 25 წელს გადააბიჯე და მაინც გაუთხოვარი ხარ „სერიოზულ“შინაბერას გეძახიან და ცდილობენ ვინმე „გაგირიგონ“, ხედავთ როგორ ვზრუნავთ ერთმანეთზე?!

      მხოლოდ ჩვენთან მივა, მგონი, ადამიანი თავისი კლუბის საგულშემატკივროდ სხვა ქალაქის კლუბის მაისურით. წარმოიდგენთ „ANFIELD“-ზე, რომ ვინმე „დინამო“-ს მაისურით შევიდეს! მის ადგილას ყოფნას არ ვისურვებდი (პრინციპში შეიძლება ვერც მიხვდნენ რა გაცვია);

      აქ ჩვენთან, მოსახლეობის უმრავლესობა რომანტიკოსია, სულ წარსულს მისტირიან;

      თუმცა ჩვენს ქვეყანას ბევრი დადებითი აქვს, ის საოცრად ლამაზი და თბილია.

      მოკლედ ნახეთ საქათველო და არ ინანებთ, პირობას გაძლევთ თაკო და ანა, საქართველოს რიგითი მოქალაქეები;