ჩვენ გვყავდა ისეთი პოეტები, რომლებსაც ფურცლები არ ჰქონდათ ლექსის დასაწერად და ისეთი მხატვრებიც, რომლებიც საღებავებს მინიმალურ პალიტრასაც ვერ შოულობდნენ და რაც ჰქონდათ იმ ფერებში ხატავდნენ, ან სულაც ნახშირით. ბლოგის დღევანდელი მასპინძელი კი, მართალია საღებავს საერთოდ არ იყენებს, სამაგიეროდ აუარება ქაღალდს „აფუჭებს“ (კეცავს) პორტრეტების შესაქმნელად. ქაღალდს და წებოს. პორტრეტები ცალსახად შთამბეჭდავი გამოდის, შესრულების ტექნიკა კი იულია ბროდსკაიას (Yulia Brodskaya), დაახლოებით იმ სტილში აქვს, რომელზეც ადრე უკვე ვისაუბრეთ (იხ. „ხუჭუჭა არტი“). იულიას ყველაზე ცნობილი სერია, რომელიც შარშან წარადგინა ცნობილია „გაიას ხალხის“ სახელით.