მეორედ ათასეულს ზემოთ ანუ 1186 ახალი შემთხევა 24 საათში და რა გასაკვირია, რომ დღის მთავარი ამბავი სწორედ კოვიდ19-ია. მთავრობის განცხადებები, გამოსვლები, გადაწყვეტილებები და კრიტიკა ცუდ მენეჯმენტზე. ამას ემატება კარზე მომდგარი არჩევნები და საარჩევნოდ ხმების მოსაგროვებლად გაკეთებული მრავალი განცხადება და თავის ქება-სხვების ლანძღვა. ადგილობრივი კორონა რიცხვებში - დადასტურებული შემთხვევა - 18663, გამოჯანმრთელებული - 8338, გარდაცვლილი - 143, კარანტინში - 6407. რაც შეეხება ჩვენი ეკონომიკის მეტრს - აშშ დოლარის ფასი 3.2117 ლარია.

საქართველოს და მსოფლიოს ამბები / 19 ოქტომბერი, 2020

      #Covid19GEO - საქართველოში კორონავირუსის 1186 ახალი შემთხვევა დაფიქსირდა. 7 პაციენტი გარდაიცვალა. ცხინვალის ოკუპირებულ რეგიონში კორონავირუსის 12 ახალი შემთხვევა დადასტურდა. ბოლო 24 საათში კორონავირუსისგან 278 პაციენტი გამოჯანმრთელდა. კოვიდინფიცირებული პაციენტების მისაღებად ამ დროისთვის 972 საწოლია თავისუფალი. 469 თბილისში დაფიქსირდა, აჭარაში - 360. დეპუტატ ნინო წილოსანს და გენადი მარგველაშვილს კორონავირუსი დაუდგინდა. საპატრულო პოლიცია მეტროსადგურების როგორც შიდა, ისე გარე პერიმეტრზე ინტენსიურ მონიტორინგს აგრძელებს. კლინიკებში მოთავსებულ კოვიდინფიცირებულ პაციენტებსა და იზოლაციაში მყოფ პირებს არჩევნებში ხმის მიცემა შეეძლებათ. გიგი წერეთელი - მთელი ეს მითი, არჩვეულებრივ მზადებასა და მენეჯმენტზე, ამ შედეგებით აბსოლუტურად გაბათილებულია. ნათია მეზვრიშვილი - მთავრობამ თავისი ვალდებულებები უნდა შეასრულოს, მაგრამ თავისი პასუხისმგებლობა უნდა შეასრულონ მოქალაქეებმა, ორგანიზაციებმა, ბიზნესმა. უწყებათაშორისი საკოორდინაციო საბჭოს სხდომები, დღეიდან ყოველდღიურ რეჟიმში გაიმართება. ექსპერტი - ჩვენ გვღუპავს ზედმეტი აჟიოტაჟისკენ მიდრეკილება და ხიბლი, რომ გავიმარჯვეთ და საუკეთესოები ვარ, როდესაც არაფერი გამოგვივლია - გადავრჩით, რომ ვირუსის პირველმა გამოჩენამ არ წაგვლეკა. პრემიერის განცხადებით, ზოგიერთი პოლიტიკოსი და ექსპერტი კორონავირუსთან დაკავშირებით ცრუ ინფორმაციას ავრცელებს და საზოგადოებაში პანიკის დათესვას უწყობს ხელს. სტრუქტურირებული გვაქვს მიდგომა, როგორ მისცენ ხმა ინფიცირებულმა მოქალაქეებმა საავადმყოფოებში, საკარანტინო სივრცეებსა და სახლში. ხარვეზებს ჩვენც კარგად ვხედავთ, ჩვენი ამოცანაა, რომ ეს ხარვეზები სისტემური არ იყოს და სწრაფად გამოსწორდეს. პასუხისმგებლობას ჩვენ ვგრძნობთ და პირბადეს არ ვიხსნით ზოგიერთებისგან განსხვავებით. მე პირბადე მიკეთია ყოველთვის, ტესტიც გავიკეთე, თვითიზოლაციაში გადავიდე და რა ვქნა? ჩემს მაგივრად ვინ იმუშავებს? იქნებ იდეა შემომთავაზოთ? რამდენიმე გასართობმა დაწესებულებამ მუშაობის გაგრძელება პოლიტიკური შეფერილობით სცადა, თუმცა, ყველა მათგანი დაჯარიმდება. როცა მოქალაქეს არ აქვს ბოლომდე გათვითცნობიერებული რისკი, ამით მანიპულირება და შეტყუება კლუბებში, ღამის რესტორნებში, მიუღებელია - ეს კონკრეტული კომპანიების პასუხისმგებლობაა და უმკაცრესი პასუხი მოეთხოვებათ. ჯანდაცვის მინისტრი - ვაქცინის იმ რაოდენობით, რომელიც საქართველოს აქვს შესყიდული, ძალიან ბევრი მოქალაქის გადარჩენას შევძლებთ. არ დავუშვებთ იმას, რომ ვირუსის იმგვარი გავრცელება მოხდეს, როდესაც ადამიანური რესურსის არქონიდან გამომდინარე დაგვეღუპებიან პაციენტები. თვითიზოლაციის საჭიროების შემთხვევაში, მოქალაქეს ამის დამადასტურებელი დოკუმენტაცია გადაეცემა. ოჯახის ექიმები თავიანთი უბნების მიხედვით იქნებიან კავშირზე პაციენტთან. ამირან გამყრელიძე - ინფიცირების მაჩვენებლით, ევროპის ქვეყნებს შორის შუაში ვართ. კვირაზე მეტია გრიპის ვაქცინა გვაქვს, თუმცა ათვისების ტემპი დაბალია. ქვეყანაში დღეს 2500-დან 3000-მდე ოჯახის ექიმია. ნინო ლომჯარია მთავრობას - მოსახლეობას განუმარტეთ, კოვიდით დაინფიცირების დროს, როგორ ხდება ბინაზე მკურნალობა. კოვიდინფიცირებული მამუკა ხაზარაძე ბოჭორიშვილის კლინიკაში გადავიდა. თენგიზ ცერცვაძის განცხადებით, საჭიროების შემთხვევაში საქართველოში 6 000-ზე მეტი საწოლის რესურსი არსებობს. ბინაზე მყოფი კორონავირუსით ინფიცირებული პაციენტებისთვის მკურნალობის გარკვეული პაკეტი მუშავდება. ლევან რატიანი - ინფიცირება არ ნიშნავს, რომ აუცილებლად ჰოსპიტალიზაცია გვჭირდება - დავუტოვოთ საწოლი იმას, ვისაც მკურნალობა სჭირდება. ახალციხეში სასწრაფო სამედიცინო დახმარების 13 თანამშრომელს კორონავირუსი დაუდასტურდა.

      საარჩევნოდ მოსაგები ამბები - გიორგი გახარია - არჩევნები კონსტიტუციურ ვადებში ჩატარდება და არ გადაიდება - ზოგიერთ სავაჭრო ცენტრსა და მაღაზიაში შესვლა უფრო სახიფათო იქნება, ვიდრე საარჩევნო უბანზე მისვლა. არმაზ ახვლედიანი - დღეს ჩვენ დამოუკიდებელი ქვეყანა ვართ, მაგრამ თავისუფლება ვერა და ვერ მოვიპოვეთ. ეუთოს სადამკვირვებლო მისიის ხელმძღვანელი ჯილიან სტირკი - ვიტყოდი, რომ არსებობს პოლარიზაციის გარკვეული ხარისხი. დავით ჭიჭინაძე - „ქართული ოცნების“ ხელში ქვეყანა ამ ზამთარს უბრალოდ ვერ გადაიტანს! სერგი კაპანაძე - მთავარი, რაც კვლევებით ჩანს, არის ის, რომ „ქართული ოცნება“ მარცხდება. სერგი კაპანაძის განცხადებით, ავტომანქანების მსვლელობა „დაუპიპინე ბიძინას“, თბილისის გარდა ყველა ქალაქში გაიმართება. ალეკო ელისაშვილის პარტია ინიციატივით გამოდის, საპარლამენტო არჩევნები ორი დღის განმავლობაში - 30 და 31 ოქტომბერს ჩატარდეს. გიორგი გახარია - მოქალაქეების იმხელა მხარდაჭერას ვგრძნობთ, არანაირი კვლევა არ გვჭირდება. გიორგი ვაშაძემ და მისმა გუნდმა 30-დღიანი სამოქმედო გეგმა წარმოადგინეს, რომელსაც პარტია არჩევნებში გამარჯვების შემთხვევაში შეასრულებს. კახა კალაძე - „ქართული ოცნება“ ერთადერთია, რომელსაც შესაძლებლობა აქვს, ყოველგვარი პრობლემების გარეშე მოიპოვოს გამარჯვება და კოალიციური მთავრობა არ დასჭირდეს. ვასო ურუშაძე - პარტიების სასარგებლოდ გაკეთებული შემოწირულობების დიდი ნაწილი „შავი ფულია“. ლევან თარხნიშვილი - კორონავირუსის პირობებში არჩევნების ჩატარების წესს რამდენიმე მნიშვნელოვანი პრობლემა აქვს. კახა კალაძე - არსებობენ პოლიტიკური პარტიები, რომლებსაც დიდი პასუხისმგებლობა აქვთ მოსახლეობის წინაშე, ასევე არსებობენ პარტიები, რომლებსაც არაფერი აინტერესებთ გარდა საკუთარი მიღწევებისა. კახა კალაძე - საქართველოში არასდროს დაბრუნდება ის დრო, რომ განსხვავებული მოსაზრების გამო, ვინმე სამსახურიდან გააგდონ ან დასაჯონ. დიმიტრი მედოევი - საქართველოში არსებული სიტუაცია და ოპოზიციის შეუნიღბავი ზრახვები, არ აღიაროს არჩევნების შედეგები, ახალი ქართული რევოლუციის საფრთხეს ქმნის. ოთარ კახიძე - ჩვენ გვჭირდება გარდამტეხი ცვლილებები ჩაფლავებული მთავრობის სახლში მალე გასაშვებად. გიორგი კანდელაკი - მთავრობას არ სურდა ემიგრანტების არჩევნებამდე დაბრუნება, სწორედ ამიტომ უშვებენ ტესტით შემოსვლას არჩევნების შემდეგ. გიორგი ვაშაძე - გახარიამ თავისი თავი ამოწურა, წერტილი. რომან გოცირიძე - ნეტავ, მთავრობა თვითიზოლაციაში იყოს, შედეგები უკეთესი იქნება.

      სწავლა და კოვიდ - „თავისუფალი საქართველო“ განათლების სამინისტროს მოუწოდებს, უმაღლეს სასწავლებლებში სწავლა არ დაიწყოს. გიგი უგულავა უნივერსიტეტების დისტანციურ რეჟიმში სწავლების შესახებ ინფორმაციის მხოლოდ გუშინ საღამოს გავრცელებას „თაღლითობას“ უწოდებს. პრემიერი - სტუდენტებმა და პროფესორ-მასწავლებლებმა გარემოებებიდან გამომდინარე უნდა გადაწყვიტონ, როგორ გააგრძელებენ სწავლას, დისტანციურად თუ აუდიტორიებში. პროფესიულ სასწავლებლებში ჩარიცხულ დევნილებსა და ეკომიგრანტებს ტრანსპორტირების ხარჯები დაუფინანსდებათ.

      ბათუმის განახლებულ ავტოპარკს ელექტროავტობუსები შეემატა.

      ღალატის საქმე - გიორგი მშვენიერაძე - მელაშვილისა და ილიჩოვას მომზადებული რუკა არათუ ჩიჩხიტურის ან უდაბნოს მონასტერს, არამედ ბელჩუმის მონასტერსაც კი საქართველოს შემადგენლობაში აქცევდა. ანრი ოხანაშვილი დავით გარეჯის საქმეზე - კითხვის ნიშნები საერთაშორისო პარტნიორებისგან არ მომისმენია.

      გელათის გადახურვა - კულტურული მემკვიდრეობის დაცვის სააგენტო - გელათის დროებითი გადახურვის პროექტი სამონასტრო კომპლექსის წინაშე არსებულ გამოწვევებს სრულად პასუხობს.

საზღვარგარეთულები:

      #WorldCorona2020 - ენტონი ფაუჩი - დონალდ ტრამპის დაინფიცირება არ გამკვირვებია. სომხეთში კორონავირუსის 766 ახალი შემთხვევა გამოვლინდა და 10 ადამიანი გარდაიცვალა. რუსეთში კორონავირუსის 15 982 ახალი შემთხვევა გამოვლინდა და 179 პაციენტი გარდაიცვალა. ანგელა მერკელი - გთხოვთ, როდესაც შესაძლებლობა გაქვთ, დარჩით სახლში! აზერბაიჯანში კორონავირუსის 331 ახალი შემთხვევა დადასტურდა და 4 ადამიანი გარდაიცვალა.

      ჩილეში საპროტესტო აქციის მონაწილეებმა პოლიციის შენობებსა და ორ ეკლესიას ცეცხლი წაუკიდეს.

      ემანუელ მაკრონი - ისლამისტები საფრანგეთში მშვიდად ვერ დაიძინებენ.

      თურქეთის ელჩი - საქართველოს ყარაბაღის კონფლიქტში სწორი პოზიცია აქვს. ნიკოლ ფაშინიანი - მზად ვარ მოსკოვში ჩავიდე და ილჰამ ალიევს შევხვდე. ილჰამ ალიევი აცხადებს, რომ მზად არის სომხურ მხარესთან შესახვედრად არა მხოლოდ მოსკოვში, არამედ ნებისმიერ ადგილას.

წყაროები: ქართული ინტერნეტ საინფორმაციო პორტალები

◄ წინა ამბები მომდევნო ამბები ►

ნახვა: 120

ტეგები: qwellynews, ამბები, ბლოგი, ნიუსები, ოქტომბერი, სიახლეები

კომენტარი

თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!

Qwelly_ზე რეგისტრაცია

ღონისძიებები

ბლოგ პოსტები

ვისაც პოეზია უყვარს

გამოაქვეყნა დავით ბილიხოძე_მ.
თარიღი: ივლისი 3, 2025.
საათი: 12:30pm 0 კომენტარი

ვწვალობ მამაო, აღარ ძალმიძს სულის ნათება, ჩვენთან სამყარო მახინჯია, კუპრივით ბნელი, მტვრიან მიწაზე იმედების მოკალათებას, ვეღარ ვცდილობ და სამართალსაც ყოველდღე ვწყევლი, ვწვალობ მამაო, სტრიქონებით გესაუბრები, აღსარებაა ყველა ლექსი, - ჩემი განვლილის, პოეზია კი მხრებზე მადგას, როგორც უღელი და არ სუსტდება, მოყვასისთვის ხელი გაწვდილი, ვწვალობ მამაო, წვალებაა თვითონ ცხოვრებაც, ბრძოლის ველია, გავიტანო კბილებით უნდა, მაგრამ ბალღამი ქურდია და სულში მოძვრება რა მეშველება, იმედებიც თუ გამიხუნდა?…

გაგრძელება

Valhalla Rising Strategy Guide – Dominate the Norse Realms

გამოაქვეყნა Karmasaylor_მ.
თარიღი: ივნისი 27, 2025.
საათი: 6:00am 0 კომენტარი

 Lionheart Studio, deeply inspired by Norse mythology. Set across the realms of Midgard, Jotunheim, Niflheim, and Alfheim, players are immersed in breathtaking landscapes, cinematic storytelling, and visceral combat. However, to thrive in the world of Odin, you'll need more than good looks and brute strength—you'll need solid strategies. 

1. Choose the Right Class for Your Playstyle

At launch, Odin: Valhalla Rising features four primary classes: Warrior, Sorceress, Rogue, and…

გაგრძელება

დამეხმარეთ გთხოვთ🖤

გამოაქვეყნა nino bubulashvili_მ.
თარიღი: ივნისი 20, 2025.
საათი: 11:26pm 0 კომენტარი

გამარჯობა❤ძალიან გთხოვთ როგორც დედა და როგორც ქალი,ამ მდგომარეობიდან ამოსვლაში დამეხმაროთ♥️️

სულ ვცდილობთ ვიშრომოთ მე და ჩემმა მეუღლემ, არდავნებდეთ, მაგრამ დავიღალე!ვეღარ აუდივართ,ძალიან ბევრ ხარჯს, ბავშვების ჭამა,ცუდათ ყოფნა,თითოეულ ვიზიტზე მასაჟს თანხა უნდა,გამოვიფიტეთ ყველაფრისგან,პატარაც გამიცივდა და წამლებში წავიდა იმ 600ლარის ხელფასის ნაწილი,სოციალური კი დავინიშნეთ მაგრამ ივლისამდე ვერ ვიღებთ,აღარც მაღაროზე გამოიძახეს ჯერ და იმ 60პროცენტსაც აღარ უხდიან😔 ბოლო პერიოდში ხალხი როარა…

გაგრძელება

Lamine Yamal

გამოაქვეყნა EFTcheat_მ.
თარიღი: ივნისი 6, 2025.
საათი: 3:30am 0 კომენტარი

In the world of soccer, wherever expertise frequently emerges within the unlikeliest of places, Lamine Yamal stands out for a beacon of prodigious talent and boundless opportunity. The young star has captured the imagination of enthusiasts and pundits alike, with performances that defy his many years. At just 16 a long time aged, Yamal is currently earning waves inside the sport—a testament to his incredible skill and devotion.



Early Lifetime and Background…



გაგრძელება

Qwelly World

free counters