ინტერვიუ Fashion Galactic_ის კორესპოდენტთან:

      მოდელები ხშირად სილამაზის ეტალონად ითვლებიან. განუმეორებელნი, ფაქტიურად იდეალურნი და სრულყოფილნი პოდიუმებსა და ფოტოსესიებზე, მოკლებულნი არიან უფლებას მოდუნდნენ, თუნდაც ყოველდღიურ ცხოვრებაში. მათი პროფესიონალური წინსვლის მიზეზი ხომ სილამაზის საიდუმლოებებშია, თუმცა არამარტო, მოდელი არამხოლოდ ფიზიკურად სრულყოფილი უნდა იყოს არამედ, რაც ყველაზე მთავარია, გამორჩეული, ინდივიდუალური და საინტერესო, თავის საუკეთესოდ წარმოჩენის უნარის მქონე. სწორედ ზემოთჩამოთვლილი ღირსებების მატარებელია უმშვენიერესი ქართველი მოდელი, მარიამ ქისტაური, რომელიც ჩვენი საიტის მეშვეობით უკვე გაიცანით, ახალა კი ის ჩვენთან თავის მოვლის საიდუმლოებებზე საუბრობს და ჩვენს ერთგულ მკითხველს საკუთარ გამოცდილებას უზიარებს. სტატიაში ასევე იხილავთ 20 წლის ლამაზმანის უახლეს ფოტოსურათებს.

      მარიამ ქისტაური: "თავის მოვლის თემა არასდროს კარგავს აქტუალურობას და დიდ დროს იკავებს როგორც ქალის,ასევე მამაკაცის ცხოვრებაში. განსაკუტრებით აღსანიშნავია ქალის დამოკიდებულება ამ საკითხისადმი. თავის მოვლა პირველ რიგში ჩემში ასოცირდება ისეთ პროცედურებთან, როგორიცაა კანის მოვლა, ფრჩხილების მოწესრიგება და ა.შ. მაგრამ მინდა ხაზგასმით აღვნიშნო, რომ ადამიანის შინაგანი განწყობა და ფიზიკური სიჯანსაღე მის გარეგნობაზე აისახება,ამიტომაც ვცდილობ სწორად ვიკვებო და რეგულარულად დავკავდე აქტიური სპორტით და ავიმაღლო ტონუსი, ხშირად მივმართავ საცურაო აუზს რომელიც კანს სიმკვრივეს და მიმზიდველობას ანიჭებს."

ფოტოსესიაში მარიამი საოცრად ელეგანტურ, კლასიკურ იმიჯს ირგებს, უახლესი ტრენდების გათვალისწინებით. სურათებში ჰარმონიული თანაარსებობაა, როგორც საინტერესო, ფერადი ტანისამოსისა და აქსესუარებისა, ასევე სადა და დახვეწილი მაკიაჟისა და თმის ვარცხნილობისა. საოცრად მომხიბვლავი მარიამი განუმეორებელ ეფექტს ქმნის, შარმისა და მიმზიდველობის გამოყენებით. მისი სურათები ბუნებრივი, დახვეწილი და თვალისმომჭრელია.