ფოტოგრაფების მძიმე და ნერვშეუტოკებელი პროფესიის ამბავი ხომ იცით? საათოებით რომ შეუძლიათ ჩასაფრებულები ისხდნენ და კარგი კადრისთვის ყველაფერი დაივიწყონ (ზოგჯერ, მორალური კოდექსიც კი). ჩვენი დღევანდელი ფოტოგრაფი თავისი რვაწლიანი მიწისქვეშეთური „მივლინებით“ ერთი-ერთი ყველაზე ცნობილი ხელოვანია თავის პროფესიაში. შვეიცარიელმა ფოტოგრაფმა ვილი სპილერმა (Willy Spiller) მრავალი წელი გაატარა ნიუ იორკის მეტროს სადგურებში ფოტოების მოსაგროვებლად და დღეს, 70-80-იანი წლების ამერიკული მეტროს ყოველდღიური ცხოვრების ამსახველი კადრების საუკეთესო კოლექციის ავტორია. რამდენიმე ფოტო ამოგიკრიფეთ მისი ობიექტივიდან.