სალარ დე უიუნი, მასიური მარილის ზეგანი სამხრეთ ბოლივიაში ფარავს რა 10, 582 კვადრატულ კილომეტრს იგი მსოფლიოში ყველაზე დიდი მარილის ბინაა, დაახლოებით 10 მილიარდ ტონა მარილს შეიცავს. ეს ტბა წარმოადგენს უსასრულ ველს. მისი შიდა ნაწილი დაფარულია საკვები მარილის ფენით – 2-8 მ. სისქით. წვიმების სეზონში ეს მლაშობი იფარება წყლის თხელი ფენით , რომელიც მსოფლიოში ყველაზე დიდ სარკედ გარდაიქმნება.

კიდევ ერთი დიდი ღირსშესანიშნაობა ის აქვს,რომ ის ზღვის დონიდან 3,500 მეტრზე მდებარეობს და ასევე მსოფლიო მასშტაბით  ყველაზე მნიშვნელოვან ლითნიუმის სამომავლო მარაგს წარმოადგენს,რომელიც  არის მთელი მარაგის  70% .ეს ადგილი იმდენად სწორია(ვაკეა), რომ ეს გაშლილი სივრცე ადამიანს თავბრუს ახვევს და დიზორიენტაციას იწვევს  – იმდენად უკაცრიელია გარშემო ყველაფერი. ეს ადგილი ფაქტიურად უდაბნოა და მოკლებულია ყველანაირ სიცოცხლეს – არც ფლორა და არც ფაუნა! აი წყალი კი უხვად არის, მაგრამ სასმელად უვარგისია! აქ მხოლოდ წვიმის სეზონზე მოფრინდებიან ხოლმე ფლამინგოები! (რა კარგი სანახავი იქნებიან :) )

40,000 წლის წინ იქ თურმე ტბა იყო,რომლის სიღრმე 20 მეტრი ყოფილა,მაგრამ შემდეგში გამყინვარების ხანამ ამ ადგილის ტოპოგრაფია შეცვალა. ამ ადგილზე ადგილობრივ ჩრდილოეტ ანდების ინდიელ ტომებში(Aymara) ლეგენდაც დადის: ეს მარილის ვაკე შეიქმნა მაშინ,როდესაც გოლიათი ქალი ტუნუპა(Giantess Tunupa ) და მისი შვილი მარტო დატოვეს,მიატოვეს,და მან იმდენი იტირა, რომ ცრემლები მის ძუძუს რძეს შეერია და წარმოიქმნა  ტბა. ამ ადგილებში დღეს მოძრაობაც კი არსებობს,რომელიც მოითხოვს,რომ ამ ადგილს დაერქვას ”Salar de Tunupa”.