ალბათ ხშირად გაგიგონიათ, რომ შემოქმედება ყველა პროფესიაში, საქმიანობაში, ნებისმიერი მიმართულებით შეიძლება. თევზაობა, რომ ხელოვნებაა, ამასაც არაერთი მეთევზე ან თევზისმოყვარე, ან უბრალოდ წყლის ნაპირას წამოწოლის მსურველი გეტყვით. ჰოდა, ორივე შეერთებით, თურმე მშვენიერი ფოტოკოლექციის გადაღება შეიძლება.

      ერთია როცა მდინარეზე თევზაობ ოჯახში საჭმლის მისატანად ან პირის ჩასამტკბარუნებლად და მეორეა, როდესაც თევზაობა შენი ბიზნესის საძირკველია („ბიზნესი“ ხომ კაი ხანია აღარ ითარგმნება?). მეორე მიმართულების ადამიანები ანკესით კი არა, ბადეებით თევზაობენ და ზოგჯერ ეს ბადეები, გემებსაც კი აღემატებიან, საფეხბურთო მოედნებსაც დაიტევენ და ა.შ.

      საბერძნეთის სანაპიროებთან ვერტმფრენით გადაფრენისას, სწორედ ასეთ თევზსაჭერ „ქარხანას“ მოკრა თვალი გერმანელმა ფოტოგრაფმა ბერნარდ ლენგმა. შთამბეჭდავი სესია გამოუვიდა: