ფინჯან ჩაიზე ჩამოვარდა საუბარი და ჩაის კულტურაზე, მე კი ჩაიდნების თვალიერებას შევყევი და საბოლოოდ მიჩელ გრაფტონი (Mitchell Grafton) აღმოვაჩინე. ეს ახალგაზრდა ხელოვანი 19 წლის ასაკიდან ქმნის უნიკალურ სკულპტურულ ჭურჭელს და ნახატებს კერამიკაში. წარმოშობით ლუიზიანად არის და იქვე დაამთავრა ხელოვნების სკოლა, მიიღო არქიტექტორის ხარისხი და ამჟამად ფლორიდაში მოღვაწეობს. მისი ხელნაკეთი ნამუშევრები საკმოად შთამბეჭდავია და მთელი მსოფლიოს მასშტაბით დიდი პოპულარობით სარგებლობს. საკუთარი ფირმა და ბრენდიც კი შექმნა.