ყოველწლიურად გლობალურ დათბობის შესახებ არაერთი კონფერენცია იმართება, მაგრამ ჩემს ბლოგში როგორც წესი კონფერენციებზე არ ვპოსტავ. არც დღეს ვღალატობ ბლოგის იდეას და რა თქმა უნდა ხელოვნებაზე ვისაუბრებთ. კლიმატის კრიზისი გარდაუვალია და ის გვხვდება ჩვენი ცხოვრების თითქმის ყველა ასპექტში. ცხადია, უპირველესად ბუნებაში. მხატვარი აკა ანტიონიო სეგურა, ფსევდონიმით დულკი (DULK, Aka Antionio Segura) თავის ნამუშევრებს სწორედ კლიმატური კრიზისის თვალთახედვით ქმნის, უბრალოდ მისი თვალები ფლორა-ფაუნის თვალებით იყურება. ნამუშევრები ბუნების ბიომრავალფეროვნებას და მისი დაღუპვის სიავეს წარმოადგენენ. ეს სიურეალისტური ნახატები პირველად გამოჩნდა გამოფენაზე სახელწოდებით „მემკვიდრეობა“ (Heritage) და ახლაც გამოფენილია ფიქრსივრცეში (Thinkspace), ლოს ანჯელესში. ტილოებზე გამოსახულია შორს, სივრცის მიღმა მომზირალი ცხოველები, უყურებენ იმას, რაც მათ მიღმაა. სხვადასხვა არსებები ერწყმიან ერთმანეთს და უკეთესი სამყაროსკენ, უკეთესი სტუმართმოყვარე მიწისკენ მიისწრაფიან.

      გამოფენის სანახავად ასე შორს რომ არ მოგიწიოთ წასვლა, აქვე შემოგთავაზებთ: