როცა გარშემო ომია, მთავარი ამბავი თავდაცვა და მშვიდობაა. თავდაცვის თემა დღეს ძალიან აქტუალური იყო, როგორც საერთაშორისო დონეზე, ასევე ქვეყნის შიგნით. საერთაშორისოდ - ვილნიუსში დღეს ნატოს წევრები შეიკრიბნენ და გაფართოებებზე და რუსეთზე, თავდაცვასა და ომიანობაზე კიდევ ერთხელ იმსჯელეს და დააკომუნიკეს. საქართველოში კი კოდექსის განხილვა იყო მეორე მოსმენით და რიგ გარეშედ. დღეს 1 აშშ დოლარის ოფიციალური ღირებულება 2.5870 ლარია.
პირობითად კარგი ამბავი ჯანდაცვაში - არჩილ თალაკვაძე - ჯანდაცვის სამინისტროს ახალი პროგრამა ონკოლოგიური დიაგნოზის მქონე ბავშვებისთვის მკურნალობის დაფინანსებაზე, დიდი წინ გადადგმული ნაბიჯია.
ნატოს სამიტი და ჩვენ - პაატა მანჯგალაძე - მსოფლიო ლიდერები ნატოს სამიტზე არიან, საქართველოს ხელისუფლება კი დაიმალა - ეს სამწუხარო რეალობაა. საქართველოს საგარეო საქმეთა მინისტრი, ილია დარჩიაშვილი, ვილნიუსში, ნატო-ს სამიტის ფარგლებში, ლიეტუველ კოლეგას, გაბრიელიუს ლანდსბერგისს შეხვდა. ანა ბუჩუკური - გახარიას პრემიერობის დროს სტოლტენბერგმა განაცხადა, რომ ნატო ამაყობდა საქართველოთი, ახლა კი ვხედავთ ვითარებას, როცა საქართველო ნახსენები შეიძლება არ იყოს - ამ შესაძლებლობის ხელიდან გაშვებისთვის ყველას პასუხისმგებლობა დაეკისრება. სალომე სამადაშვილი - ვილნიუსის სამიტზე დადასტურდება, რომ ომის დამთავრების შემდეგ უკრაინა ნატო-ს წევრი გახდება - ვხედავთ, რომ საქართველო უკრაინის დღის წესრიგს ჩამოშორდა არა მხოლოდ ევროკავშირში, არამედ ნატო-ში გაწევრიანების გზაზეც. ირაკლი კობახიძე - ის, რომ უკრაინა შეიძლება ნატო-ში მაპ-ის გარეშე მიიღონ, ჩვენ ამის არ უნდა შეგვშურდეს - უკრაინა ომშია და ბუნებრივია, მეტ ყურადღებას აქცევენ. თეონა აქუბარდია შალვა პაპუაშვილს - თქვენი წერილი სავსე იყო მანიპულაციითა და დეზინფორმაციით - ეს აზიანებს ნატო-ში წევრობის შესაძლებლობას, რაც თქვენ შეგნებულად გააკეთეთ. სალომე სამადაშვილი - უმრავლესობის წარმომადგენლები ფიზიკური ანგარიშსწორებით რომ გვემუქრებიან - რუსეთის მოკავშირეებს ნუ გვეძახითო - ხელისუფლებას რუსეთის მოკავშირედ აფასებს უკრაინა, ევროკავშირი და ნატო. ხატია დეკანოიძე - ამ ხელისუფლების პირობებში საქართველოს ევროინტეგრაციაზე განსაკუთრებული მოლოდინის შექმნა სწორი აღარ არის - ამ ხელისუფლებისთვის არც პასუხის მოთხოვნაა სწორი. გურამ მაჭარაშვილი - საქართველო თავსებადია NATO-ში გაწევრიანებასთან დაკავშირებით, უბრალოდ გადაწყვეტილება როგორი იქნება, ეს არის ალიანსის ხელმძღვანელობაზე. ირაკლი ჩიქოვანი - საქართველო ერთ რამეშია ჩამორჩენილი უკრაინასთან მიმართებაში, ჩამორჩენილია მხოლოდ ომის არარსებობით, დანარჩენი თვალსაზრისით, ჩვენი ქვეყანა არის ლიდერი. ანა ბუჩუკური საპარლამენტო უმრავლესობას - ნატო-სთვის საქართველო ერთ-ერთი ყველაზე მნიშვნელოვანი პარტნიორი იყო და ამ 2-3 წელში მოახერხეთ, რომ ფაქტობრივად ჩვენი ქვეყნის ხსენება არ არის. ბექა დავითულიანი - როდესაც უკრაინის საკითხი გადაწყდება და ომის გეოპოლიტიკური შედეგები შეჯამდება, დარწმუნებული ვარ, აქედან თავის ბენეფიტს საქართველოც მიიღებს. სალომე ზურაბიშვილი - ნატოს სამიტს ვილნიუსში წარმატებულ და პროდუქტიულ მუშაობას ვუსურვებ - საქართველო ერთგულად განაგრძობს ევროატლანტიკური ინტეგრაციის გზას. თინა ბოკუჩავა - ნატო-ში ირაკლი ღარიბაშვილი იმიტომ არ მიიწვიეს, რომ ანტიუკრაინულ, ანტიდასავლურ და შესაბამისად, ანტისახელმწიფოებრივ პოლიტიკას აჟღერებს და ატარებს, მათ შორის უკრაინის ომს ნატო-ს აბრალებს. არჩილ თალაკვაძე - საგარეო საქმეთა მინისტრი მაღალი დონის წარმომადგენლობაა - თუ გინდათ, რომ მინისტრი დააკნინოთ, როცა პარტიებს ამოფარებული ადამიანები მიგაჩნიათ ჯერ კიდევ პრეზიდენტებად ან მსოფლიო ლიდერებად, ეს ორმაგი სტანდარტია. კახა ოქრიაშვილი - ვიდრე სახელმწიფო „რუსულ ოცნებას“ და ბატონ ივანიშვილს ექნება მიტაცებული, ვერც ნატო-ს და ვერც ევროკავშირის წევრი ვერ გავხდებით! ნატო-ს სამიტის კომუნიკე - ვიმეორებთ 2008 წლის ბუქარესტის სამიტზე მიღებულ გადაწყვეტილებას, რომ საქართველო გახდება ალიანსის წევრი MAP-ით, როგორც პროცესის განუყოფელი ნაწილით - ქვეყანამ რეფორმებში უნდა მიაღწიოს პროგრესს.
თავდაცვა პარლამენტში - მეორე რაუნდი - პარლამენტში რიგგარეშე სხდომა გაიხსნა - სხდომაზე „თავდაცვის კოდექსის“ მეორე მოსმენით განხილვა გაგრძელდება. გრიგოლ გიორგაძე - იმ რეფორმებისთვის, რომლებიც თავდაცვისუნარიანობის გაძლიერებას ემსახურება, სამართლებრივი საფუძვლების შექმნა აუცილებელია - თავდაცვის კოდექსი სამხედროებისთვის მნიშვნელოვან სოციალურ გარანტიებს დაადგენს. ალეკო ელისაშვილი - პირველი მოსმენით მხარი დავუჭირე „თავდაცვის კოდექსს“, მაგრამ მეორე მოსმენით მხარს არ ვუჭერ - ჯარში გაწვევის დღევანდელი სისტემა აბსოლუტურად დისკრედიტირებულია. გრიგოლ გიორგაძე - „თავდაცვის კოდექსის“ მიხედვით, საქართველოში მოქმედი ყველა კონფესია ალტერნატიულ შრომით სამსახურს დაექვემდებარება. ჯარს წვევამდელებით არ ვავსებთ, მეორე მხრივ, ისეთი ქვეყნისთვის როგორიც საქართველოა, აქტიური მომზადებული რეზერვი ძალიან მნიშვნელოვანია. თინა ბოკუჩავა - „რუსულმა ოცნებამ“ პროცედურული ომი გამოაცხადა, ნაცვლად იმისა, რომ შინაარსობრივად მომხდარიყო „თავდაცვის კოდექსის“ განხილვა - გაწვევის წესი კორუფციის უდიდეს საფრთხეს აჩენს. თავდაცვის მინისტრის მოადგილე - თუკი აცხადებ, რომ რელიგიური ორგანიზაციის წარმომადგენელი ხარ, მაშინ მიბრძანდით ალტერნატიულ შრომით სამსახურში ან სავალდებულო სამხედრო სამსახური მოიხადეთ! თეონა აქუბარდია - „თავდაცვის კოდექსს“ მნიშვნელოვანი პრობლემები აქვს - „ქართული ოცნების“ „ცისფერი მთების“ ამბავია.
ბიტკოინების საქმე - ირაკლი კობახიძე - ბაჩიაშვილის ადვოკატი ცდილობს საქმის პოლიტიზებას, რაც არასწორია, საქმე უკავშირდება სავარაუდოდ დანაშაულს და სამართლებრივ ჭრილში უნდა იყოს განხილული. თინა ბოკუჩავა ივანიშვილ-ბაჩიაშვილზე - თავად კოლაბორაციონისტებს, ყველგან ამერიკის აგენტები ელანდებათ.
მიმობნეული თითო ამბავი - გიორგი ამილახვარმა ინტეგრირებული პროფესიული პროგრამების პირველ კურსდამთავრებულებს დიპლომები გადასცა. სოსო გიორგაძე ინტელექტუალური საკუთრების მსოფლიო ორგანიზაციის გენერალურ დირექტორს შეხვდა. გერმანიის განათლებისა და კვლევის ფედერალური სამინისტროს საპარლამენტო სახელმწიფო მდივანი საქართველოს სტუმრობს. გერმანიის საგარეო საქმეთა მინისტრის მოადგილე თობიას ლინდნერი საქართველოს ეწვევა. დავით ნარმანია - ბუნებრივი გაზისა და ელექტროენერგიის ტარიფები დეკემბრამდე არ გადაიხედება. „მომხმარებლის უფლებების დაცვის შესახებ“ საქართველოს კანონში ცვლილებები შევიდა. კინოცენტრის დაცვა - კულტურის სამინისტროსთან ხვალ აქცია „არა ცენზურას, დამოუკიდებლობა კინოცენტრს!“ იგეგმება.
წვიმები დასავლეთში - ძლიერმა წვიმამ სამეგრელოს რამდენიმე მუნიციპალიტეტში, ასევე იმერეთის რეგიონში პრობლემები შექმნა.
გაზიარება - საქართველოს და ალბანეთის საარჩევნო ადმინისტრაციების წარმომადგენლებმა ერთმანეთს საარჩევნო ელექტრონული ტექნოლოგიების დანერგვის მიმართულებით არსებული გამოცდილება გაუზიარეს.
საზღვარგარეთულები:
უკრაინა და ნატოს სამიტი - უკრაინული მხარე - რუსულმა არმიამ ხერსონის საცხოვრებელი რაიონები დაბომბა, არიან დაშავებულები. ჯო ბაიდენი და ვოლოდიმირ ზელენსკი ვილნიუსში, ნატო-ს სამიტის დროს, შეხვედრას გამართავენ. ვილნიუსში დღეს ნატო-ს სამიტი გაიხსნა. რუსებმა კიევს Shahed-ის დრონებით შეუტიეს, უკრაინელებმა ყველა მათგანი გაანადგურეს. უკრაინის გენშტაბი - რუსებმა უკრაინაში 235 000-ზე მეტი ჯარისკაცი დაკარგეს. დიდი ბრიტანეთის თავდაცვის სამინისტრო - მოსკოვში მომუშავე სამშენებლო კომპანიების ხელმძღვანელებს უკრაინის წინააღმდეგ ომში მოხალისეების გაგზავნას სთხოვენ, წინააღმდეგ შემთხვევაში, კონტრაქტების შეწყვეტით ემუქრებიან. მეთიუ მილერი - რუსული ჯარის მიერ ზაპოროჟიეს ატომურ ელექტროსადგურზე ბირთვული კატასტროფის შექმნის შემთხვევაში რუსეთს გარდაუვალი პასუხისმგებლობა ელის. გიტანას ნაუსედა - ბუქარესტის სამიტის შემდეგ, 15 წელია ვიმეორებთ ერთსა და იმავე ფრაზას, რომ ერთ დღეს უკრაინა ნატო-ს შეუერთდება, მაგრამ არასდროს გადაგვიდგამს ხელშესახები ნაბიჯი ამ გზაზე - პარადიგმის შეცვლის დროა. იენს სტოლტენბერგი - დარწმუნებული ვარ, ნატო-ს სამიტის კომუნიკე უკრაინის გაწევრიანების შესახებ პოზიტიურ და ძლიერ გზავნილს გააგზავნის. ენტონი ბლინკენის განცხადებით, აშშ ნატოში შვედეთის გაწევრიანების ხელშეწყობის შესახებ თურქეთის გადაწყვეტილებას მიესალმება. მიხაილო პოდოლიაკი - ბაიდენთან შეხვედრაზე უკრაინის ნატოში გაწევრიანების გარდა, შეიარაღების მიწოდების, ეკონომიკური მხარდაჭერის და რუსეთის მარცხის საკითხები იქნება განხილული. იენს სტოლტენბერგი - თუ უკრაინა ვერ გაიმარჯვებს როგორც სუვერენული სახელმწიფო, ნატო-ში გაწევრიანების საკითხი საერთოდ არ განიხილება. გიტანას ნაუსედა - ნატო-რუსეთის ფუძემდებელი აქტი, რომლის თანახმადაც ალიანს ერთობლივი სამხედრო ბაზების შექმნა ეკრძალება, მკვდრად უნდა გამოცხადდეს. ვოლოდიმირ ზელენსკი - როცა არ არსებობს კონკრეტული დროის ჩარჩოები უკრაინის ნატოში გაწევრიანებისთვის, ეს ჰგავს იმას, რომ არ არსებობს მზადყოფნა ჩვენი მოწვევისთვის ანუ უკრაინის წევრობა რუსეთთან ვაჭრობის საგნად რჩება. საფრანგეთი უკრაინას შორ მანძილზე მოქმედ Scalp-ის რაკეტებს გაუგზავნის. ლატვიის პრემიერი - ევროპაში მყარი მშვიდობის მიღწევის ორი გზა არსებობს - მეორე ალიანსში უკრაინის წევრობაა, პირველი კი თავად რუსეთში ცვლილებებს მოითხოვს, მაგრამ ეს არ ხდება. ჯო ბაიდენი - ჩვენ ვხედავთ, რომ აგრესორი არ ჩერდება - მე-5 მუხლს სიტყვასიტყვით აღვიქვამთ, თუ ნატოს ერთი წევრის წინააღმდეგ საომარი მოქმედებები დაიწყება, ეს ყველა მოკავშირის წინააღმდეგ საომარი მოქმედების დაწყებად ჩაითვლება. ანჯეი დუდა - ჩემი გზავნილია: უკრაინის ნატო-ში გაწევრიანების პირდაპირი და მკაფიო გზა უნდა დავადგინოთ. ვილნიუსში ნატო-ს სამიტი გაიხსნა. ვოლოდიმირ ზელენსკი ვილნიუსში ჩავიდა. დიმიტრი პესკოვი - ევროპაში თურქეთს არავინ ელოდება და ოფიციალურ ანკარას ცრუ იმედები არ უნდა ჰქონდეს. მარია ზახაროვა - პოლონეთის ხელისუფლების აზრით, უკრაინის დასავლეთი ნაწილი მას ეკუთვნის - ეს ერთ-ერთი ვარიანტი გახლავთ, რატომ არ იღებენ უკრაინას ალიანსში. იენს სტოლტენბერგი - ნატო-ში უკრაინის მოწვევაზე გამოვაცხადებთ, როცა მოკავშირეები შეთანხმდებიან და პირობები იქნება მიღწეული. იენს სტოლტენბერგი - „ცივი ომის“ შემდეგ ყველაზე სრულყოფილი თავდაცვის გეგმები დავამტკიცეთ. ნატო-ს კომუნიკე - უკრაინის მომავალი ნატოშია - უკრაინის გზა გასცდა MAP-ის საჭიროებას, უფრო მეტად თავსებადია და პოლიტიკურად ინტეგრირებულია ალიანსთან და მიაღწია მნიშვნელოვან პროგრესს რეფორმების გზაზე. ვოლოდიმირ ზელენსკი - მადლობელი ვარ პარტნიორების მზაობისთვის, გადადგან ახალი ნაბიჯები - უკრაინაში თავდაცვის ახალ მნიშვნელოვან ინსტრუმენტებს ჩამოვიტანთ.
რუსული ჯანყი - ოლექსი დანილოვი - „ვაგნერის“ მეთაურის ევგენი პრიგოჟინის „ამბოხს“ მხარი რუსული არმიის 14-მა გენერალმა დაუჭირა.
წყაროები: ქართული ინტერნეტ საინფორმაციო პორტალები
◄ წინა ამბები | მომდევნო ამბები ► |
Welcome to
Qwelly
გამოაქვეყნა MPO808_მ.
თარიღი: მაისი 5, 2025.
საათი: 5:00am
0 კომენტარი
0 მოწონება
MPO808 Join Judi Permainan Slot Bocoran Link Alternatif Terbaik
Modal Kecil Untung Besar di Situs MPO808
Bermain judi online kini semakin digemari oleh banyak orang. Salah satu pilihan…
გაგრძელება
გამოაქვეყნა MPO212_მ.
თარიღი: მაისი 5, 2025.
საათი: 4:30am
0 კომენტარი
0 მოწონება
MPO212 Agen Judi Bola Live RTP Link Alternatif Resmi
Agen MPO212 Memberikan Bonus Deposit Terbesar
MPO212 adalah salah satu agen slot online terpercaya yang telah lama dikenal di dunia perjudian…
გაგრძელება
გამოაქვეყნა UG212_მ.
თარიღი: მაისი 5, 2025.
საათი: 3:00am
0 კომენტარი
0 მოწონება
UG212 Daftar Judi Main Slot RTP Live Pasti Lancar Resmi
Website UG212 Terkenal Dengan RTP Tinggi
Website UG212 kini semakin terkenal di kalangan pemain slot online karena memiliki RTP (Return to…
გაგრძელება
გამოაქვეყნა EFTcheat_მ.
თარიღი: მაისი 5, 2025.
საათი: 2:24am
0 კომენტარი
0 მოწონება
Margin investing might be a thrilling but substantial-risk endeavor, where by traders borrow money to amplify their positions during the hopes of maximizing income. While the probable rewards are engaging, the complexities and immediate industry actions can be mind-boggling — specifically for newbies. That’s wherever being Section of a margin investing Group becomes invaluable. In the following paragraphs, we’ll examine how trading communities can provide assist, awareness,…
© 2025 George.
•
თქვენ უნდა გახდეთ Qwelly_ს წევრი რომ შეძლოთ კომენტარის გაკეთება!
Qwelly_ზე რეგისტრაცია