ჩემს ბლოგზე ხშირად ვსაუბრობ სხვადასხვა შემოქმედ ადამიანებზე სხვადასხვა ქვეყნიდან. მათი კრეატიული იდეები ცხადია საინტერესო და დასაფასებელია, მაგრამ როცა საკუთარ სამშობლოშიც აღმოაჩენ ასეთ ორიგინალურ იდეებს, განსაკუთრებული გემოვნებით მოფიქრებულსა და შესრულებულს, გულიც ერთიათად ხარობს. ის ამბავი ხომ იცით, ყველა დიდი ადამიანის ბებია ქართველი იყო - არ მგონია იდეის ავტორს მთლად ეს ფრაზა ჰქონოდა გონებაში, მაგრამ ძალიან კარგად კი გამოუვიდა მოფიქრება - გაექართველებინა მსოფლიოს ცნობილი ადამიანები.

      თუკი ჩვენი ტრადიციული ტანისამოსი (ჩოხა/ახალული/ქამარ-ხანჯალი და ა.შ.) ჩაანაცვლა უცხო კულტურის შემოთავაზებულმა „სმოკინგმა“, როგორი იქნებოდა თანამედროვეობა პირიქით რომ მომხარიყო და ქართული ნაციონალური ტანისამოსი მოერგოთ ჩარლი ჩაპლინს, სალვადორ დალის, უინსტონ ჩერჩილს და ბოლო-ბოლო ჩე გევარას (აბრაგობა ნამდვილად მოუხდებოდა, ერნესტოს!).

      მაღაზია „ტოტოს“ შემოთავაზებული ორიგინალურად გაფორმებული აქსესუარები, საქაღალდეები, დღიურები, ჩანთები და სხვადასხვა ნამუშევრები ამ იდეების კარგი ილუსტრაციაა:

მსოფლიოს ცნობილი სახეები ქართულ ჩოხაში (და არა მხოლოდ)

      და გულს რაც ახარებს ეს შტამპია: