თვალის პიველი გადავლებისას, იფიქრებთ, თბილისის რომელიმე ძველ უბანზე ჩავიარე და ფოტოები გადავიღე, ანდაც, რომელიმე აღმოსავლურ მაღაზიას ვეწვიე და ხალიჩებით ოჯახური სითბოსა და სიმყუდროვისთვის შევარჩიე. სინამდვილეში კი სულ სხვა რამ მოხდა და ამის შესახებ, ფოტოების დათვალიერების შემდეგ მოგიყვებით:

      ცხადია, ხალიჩებით ვერავის გავაკვირვებ, მითუმეტეს ამ მცირე კლექციით, რომელიც არც ისე მრავალფეროვანია, მაგრამ თუ ვიტყვი, რომ ეს ხალიჩები, არა ხელით დაქარგული, არამედ ფუნჯით დახატულიათქო, შესაძლოა ეჭვი მაინც შეგეპაროთ საკუთარ ნანახში და თვალებსაც არ დაუჯეროთ. ქველზე თუ დაძებნით - ჰიპერრეალიზმს - ცხადია, არაერთი პოსტს ნახავთ ამ თემაზე, მაგრამ ვფიქრობ, დღევანდელი ხალიჩები საკმაოდ გამორჩეულია და ღირსია იმ კოლექციას შეემატოს, ძებნისას რომ შემოგთავაზათ ქსელმა. ავტორის ვინაობა აუცილებლად უნდა გითხრათ, წარმოშობით მარიდელია, თუმცა ნიუ-იორკში მოღვაწეობს - ანტონიო სანტინი (Antonio Santin).