აირის სკოტის შემოქმედებას ქართული ინტერნეტი მეტაკლებად იცნობს, თუმცა მე, უზომოდ მიხუბლულმა ამ ქალბატონით, გადავწყვიტე მისი ნახატების ვრცელი ალბომი შემომეთავაზებინა, რომელსაც ალბათ რამდენიმე პოსტს მივუძღვნის სიდიდის გამო.

      აირის სკოტი, ამერიკელი მხატვარი ქალბატონია, რომელიც ვაშინგტონში, სიეტლთან ახლოს, ერთი ფერმერის სახლში დაიბადა 1984 წელს. სახელი, ძველბერძნული მითოლოგიის შესაბამისად, წისარტყელის ქალღმერთის, აირისის საპატივემულოდ შეურჩიეს და როცა მის ნახატებს დაათვალიერებთ, მიხვდებით რომ ეს სახელი ზედგამოჭრილია - სახელი და პირონება განუყოფელნი არიან.

      ბავშვობიდან, აირისი, დედმამიშვილებთან ერთად ცხოველების გარემოცვაში იზრდებოდა, მათ ფერმაში ჰყავდათ ძაღლები, თუთიყუშები, ცხენები და პონები, კურდღლები და ბაჭიები, ხვლიკებიც კი და კიდევ ცხვარ-თხა-ქამთებიც. თუმცა რას გიყვებით, ყველაფერი ეს, აირისმა უზომოდ ლამაზი ფერებით დახატა და მინდა ეს ნახატები წარმოგიდგინოთ.

      კინაღამ დამავიწყდა, მთელი სასწაული ის გახლავთ, რომ აირისის ნახატები შესრულებულია თითებით! დიახ, ის Finger Art-ის ერთ-ერთი უბადლო წარმომდგენელია!