რამდენიმე ფენაში დამალული სიამოვნება...

      ბოსტნეულის და თევზის ყველაზე კარგი კომბინაცია, Qwellynaria-ს რეცეპტში:

*შუბა*

შემადგენლობა:

1. 1 თევზი "ქაშაყი" (селедка)
2. 3 ც. ჭარხალი
3. 2 ც. სტაფილო
4. 3 ც. კარტოფილი
5. 2 ც. მჟავე კიტრი
6. 1 თ. ხახვი
7. 300 გრ. მაიონეზი
8. მარილი გემოვნებით
9. კამა და ბოლოკი გასაფორმებლად

მომზადება:

• მოხარშეთ კარტოფილი, სტაფილო, ჭარხალი, მოაცალეთ კანი და გახეხეთ მსხვილ სახეხზე;
• თევზი (აუცილებლად დამარილებული ქაშაყი უნდა იყოს) გამოარჩიეთ კანისა და ფხებისგან დაჭერით ან ხელით დააქუცმაცეთ;
• ჩადეთ მინის ჭურჭელში (ეს მხოლოდ შესახედაობისთვის), დააყარეთ წვრილად დაჭრილი ხახვი და მოასხით მაიონეზი; (მაიონეზი ყოველთვის კოვზით გადაუსვით მთელს ფენას)
• შემდეგ მოაყარეთ გახეხილი სტაფილო;
• არ დაგავიწყდეთ, ყოველ ფენას ძალიან ცოტა მარილი მოაყაროთ;
• ისევ მაიონეზი და გახეხილი მჟავე კიტრი;
• შემდეგ გახეხილი ჭარხალი და კვლავ მაიონეზი;
• ამის შემდეგ გახეხილი კარტოფილი
• კვლავ მაიონეზი და ბოლოს წვრილად დაჭრილი კამა.
• აგრეთვე უხდება ბოლოკის გვერდი, გათლილი და წვრილ კუბიკებად დაჭრილი. თუმცა ეს მხოლოდ დეკორაციაა!