წმიდა მამა იულიანე ტარსელი, კილიკიაში დაიბადა რომელიც მცირე აზიის ერთ-ერთ ქალაქში მდებარეობს. მამამისი წარმართი სენატორი იყო, დედა კი ქრისტეს აღმსარებლობას აღიარებდა. ქმრის გარდაცვალების შემდგომ იულიანეს დედა ქალაქ ტარსში, დასახლდა და იქ გააქრისტიანა შვილი და სინდისიერად აღზარდა. როცა წმიდანი 18 წელის შესრულდა, იმპერატორმა დიოკლეტიანემ რომელიც მოღვაწეობდა 284-305 წლებში ქრისტიანთა განდევნა დაიწყო. სხვებთან ერთად იულიანეც დააპატიმრეს და მმართველ მარკიანეს წარუდგინეს სამსჯავროზე. დიდხანს სთავაზობდნენ ღვთისმოშიშ ჭაბუკს, განშორებოდა ქრისტეს სარწმუნოებას, მაგრამ ვერც ძღვნისა და პატივის დაპირებამ, ვერც მუქარამ და ვერც წამებამ ვერ მოდრიკა მხნე აღმსარებელი. ნეტარ მარტვილს მთელი წლის განმავლობაში დაატარებდნენ კილიკიის ოლქის ერთი ქალაქიდან მეორეში, დაკითხვებს უწყობდნენ, ტანჯავდნენ. ბოლოს კი საპატიმროში ჩააგდეს. იულიანეს დედა ყველგან თან დაყვებოდა თავის ძეს,ანუგეშებდა მას და მხურვალედ შესთხოვდა უფალს, რომ კიდევ უფრო განემტკიცებინა შვილის სარწმუნოება. ბოლოს მანაც გაბედულად აღიარა ქრისტე მმართველის წინაშე. განრისხებულმა მარკიანემ უბრძანა, ქალისთვის ფეხები მოეჭრათ. ნეტარი მარტვილი ჭრილობებისგან გარდაიცვალა. თავად იულიანე ქვიშითა და შხამიანი ქვეწარმავლებით სავსე ტომარაში ჩასვეს და ზღვაში ჩუშვეს +305. მოწამის გვამი, ტალღებმა ალექსანდრიის მახლობლად გამორიყა, ერთმა კეთილმსახურმა ქრისტიანმა ქალმა პატივით მიაბარა მიწას. ამის შემდგომში იულიანეს უხრწნელი წმინდა ნაწილები ანტიოქიაში გადაასვენეს. წმიდა იოანე ოქროპირმა სახოტბო სიტყვით განადიდა უფლის რჩეული.

◄ გუშინ | დღეს | ხვალ ►